എഫ്.എം.ജി.എച്ച്. എസ്.എസ് കൂമ്പൻപാറ/ജൂനിയർ റെഡ് ക്രോസ്/2024-25

2025-26

പ്രവർത്തനങ്ങൾ

ജെ ആർ സി ക്ലബ്ബ് റിപ്പോർട്ട്

ജെ.ആർ.സി ക്ലബ് പ്രവർത്തനങ്ങൾ

ഇടുക്കി ജില്ലയിലെ തന്നെ പ്രമുഖ വിദ്യാലയങ്ങളിൽ ഒന്നായ എഫ് എം ജി എച്ച് എസ് എസ് കുമ്പൻ പാറയിലെ വിവിധ ക്ലബ്ബുകളിൽ ഒന്നായ ജെ ആർ സി ജില്ലയിലെ തന്നെ ഏറ്റവും കൂടുതൽ ജെ ആർ സി കേഡറ്റുകൾ ഉള്ള സംഘടനയാണ് .8, 9 ,10 ക്ലാസുകളിലായി 120 കുട്ടികൾ ആണുള്ളത് ഇതിന്റെ കൗൺസിലർ ആയി എച്ച് .എസ് വിഭാഗത്തിൽ മൂന്ന് അധ്യാപകരും യുപി വിഭാഗത്തിൽ ഒരു അധ്യാപികയും ആണുള്ളത്. കുട്ടികളിൽ സേവന തൽപരത വളർത്താൻ സഹായിക്കുന്ന ഈ സംഘടന പ്രവർത്തനങ്ങളിൽ പങ്കാളിയാവാൻ ഏറ്റവും കൂടുതൽ തിരക്ക് നേരിടുന്നതിനാൽ പ്രവേശന പരീക്ഷയുടെ അടിസ്ഥാനത്തിലാണ് കുട്ടികൾക്ക് സംഘടനയിൽ അംഗത്വം നൽകുന്നത് എച്ച് എസ് വിഭാഗം കുട്ടികൾക്ക് ഓരോ വർഷവും എബിസി ലെവൽ പരീക്ഷയും ഉണ്ട്.

ജെ.ആർ.സി ക്ലബ് പ്രവർത്തനങ്ങൾ

2024 - 25 ആദ്യവർഷത്തെ ജെ ആർ സി സ്കൂൾതല പ്രവർത്തനങ്ങൾ ജൂൺ മാസം തന്നെ ആരംഭിക്കുകയുണ്ടായി. എട്ടാം ക്ലാസിൽ നിന്ന് പുതിയ 60 ജെ ആർ സി കേഡറ്റുകളെ പ്രവേശന പരീക്ഷ അടിസ്ഥാനത്തിൽ തിരഞ്ഞെടുത്തു. ഈ അധ്യയന വർഷത്തെ ജെ ആർ സി കേഡറ്റുകളുടെ എണ്ണം 150 ആയി ഉയർന്നു. വെള്ളിയാഴ്ചകളിലും ഉച്ചയ്ക്ക് ശേഷം സ്കൂളും പരിസരവും വൃത്തിയാക്കുക എന്ന പ്രവർത്തനം ആരംഭിച്ചു. ഈ വർഷം ആദ്യം തന്നെ കുട്ടികളിൽ നിന്നും സമാഹരിച്ച 50000/-രൂപ ഈ വിദ്യാലയത്തിലെ കുട്ടിയുടെ ഭവന നിർമ്മാണത്തിനു വേണ്ടി നൽകുകയുണ്ടായി. പിന്നീടുണ്ടായിരുന്ന തുക വിവിധ ആളുകളുടെ ചികിത്സ സഹായത്തിനായും നൽകപ്പെട്ടു. പുതുതായി തിരഞ്ഞെടുക്കപ്പെട്ട ജെ ആർ സികേഡറ്റുകൾക്കുള്ള യൂണിഫോം സെപ്റ്റംബർ അവസാനത്തോടെ നൽകുകയുണ്ടായി. ഒക്ടോബർ മാസം നടന്ന അടിമാലി ഉപജില്ല ശാസ്ത്രമേളയ്ക്ക് ഫാത്തിമ മാതാ സ്കൂൾ ആതിഥേയത്വം വഹിച്ചപ്പോൾ മേളയുടെ ആദ്യന്തം വോളണ്ടിയർമാർയി നിസ്വാർത്ഥ സേവനത്തിനായി ഏറ്റവും മുന്നിൽ അണിനിരന്നത് ഈ വിദ്യാലയത്തിലെ ജെ ആർ സി കേഡറ്റുകൾ ആണെന്നത് അഭിമാനാർതമായ കാര്യമാണ്

ജെ ആർ സി മത്സരങ്ങൾ

എസ് എൻ ബി എച്ച് എസ് എസ് എൻ ആർ സിറ്റിയിൽ വച്ച് നടന്ന അടിമാലി ഉപജില്ലാതല ജെ ആർ സി മത്സരങ്ങളിൽ പ്രസംഗം ക്വിസ് എന്നീ ഇനങ്ങളിൽ അന്നാ മരിയ ബിജിൻ,റ്റാനിയ നെൽസൺ എന്നീ കുട്ടികൾ രണ്ടാം സ്ഥാനം കരസ്ഥമാക്കി. നവംബർ ഡിസംബർ മാസങ്ങളിൽ നടത്തപ്പെട്ട ജെ ആർ സി എ ബി സി ലെവൽ പരീക്ഷകളിൽ എല്ലാ കുട്ടികളും പങ്കെടുത്ത മികച്ച വിജയം നേടി. നാളിതുവരെയുള്ള സ്കൂൾതല ജെ ആർ സി പ്രവർത്തനങ്ങൾക്ക് ചുക്കാൻ പിടിക്കുന്നത് എച്ച് എസ് വിഭാഗം കൗൺസിലർമാരായ ശ്രീ വിൽസൺ കെജി,അമ്പിളി ജോസ് എന്നീ അധ്യാപകരും യുപി വിഭാഗം കൗൺസിലർ ശ്രീമതി സൗമ്യ ബേബിയുമാണ്. ജെ ആർ സി എല്ലാവർഷവും നടത്തിവരുന്ന ജെ ആർ സി സബ്ജില്ലാതല സെമിനാറിനായി വിദ്യാലയം സജ്ജമായി കൊണ്ടിരിക്കുന്നു. കഴിഞ്ഞവർഷത്തേക്കാൾ മികച്ച രീതിയിലുള്ള സന്നദ്ധ സേവന പ്രവർത്തനങ്ങളാണ് ഈ വർഷം ജെ ആർ സി കാഴ്ചവച്ചത്.

തിരികെ പ്രധാന താളിലേക്ക്