എം.പി.വി.എച്ച്.എസ്.എസ്. കുമ്പഴ/അക്ഷരവൃക്ഷം/കൊറോണാക്കാലം

കൊറോണാക്കാലം ഒരു ദു:സ്വപ്നമായവൻ- വന്ന നാളിൽ.. ചിരിക്കാൻ മറന്നുപോയെങ്കിലും ഞാനീ- മണ്ണിൻറെ മണമെന്തെറിഞ്ഞു... കളിക്കാൻ മറന്നുപോയെങ്കിലും ഞാനീ- പൂവിൻറെ നൈർമല്യം തൊട്ടറിഞ്ഞു... എന്നോ കേട്ടുമറന്നൊരു- കുയിലിൻറെ പാട്ടിൻറെ- ഈണത്തിനൊത്തു കൂവിനോക്കി.. വിണ്ണിലെ ചന്ദ്രനെ പാത്രത്തിലാക്കിഞാൻ ഒരു തൊഴനേ സ്വന്തമാക്കി.. ടീവി തുറക്കുവാൻ ഞാൻ- മറന്നുപോയീടിലും- ഒരുപാടു കാഴ്ചകൾ കണ്ടിരുന്നു.. എത്ര സുന്ദരമാണെൻ വീടിൻറെ- തൊടിയെന്നു ഇക്കോറോണാക്കാലം- പറഞ്ഞു തന്നു.. കൂട്ടുകാരൊത്തു കളിക്കുവാ- നാകീടിലും- ഒരുപാടുകൂട്ടരെ തന്നു ഭൂമി.. വരിവരിയായി നടന്നു കുഞ്ഞുറുമ്പുകൾ- ഒരുപാടു കഥകൾ പറഞ്ഞു തന്നു.. പുസ്തക ഷെൽഫിലുറങ്ങിയ- താളുകളിലൊരുപാടു കഥകളു- ണ്ടായിരുന്നെന്നും ഞാനറിഞ്ഞു..   ഋഷികേഷ് 5A എം.പി.വി.എച്ച്.എസ്.എസ്., കുമ്പഴ പത്തനംതിട്ട ഉപജില്ല പത്തനംതിട്ട അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Manu Mathew തീയ്യതി: 24/ 04/ 2020 >> രചനാവിഭാഗം - കവിത