കാടും മേടും കടന്നിട്ടങ്ങനെ
ആനക്കുട്ടൻ വരണുണ്ടേ
മഴയത്തങ്ങനെ തുള്ളിത്തുള്ളി
നാട്ടിലങ്ങനെ എത്തിപ്പോയ്
ആളൊഴിഞ്ഞ അങ്ങാടികളിൽ
ആനക്കുട്ടൻ സവാരിയായ്
കടയിലെങ്ങോ പഴക്കുല കണ്ട്
ആനക്കുട്ടന് കൊതിയായി
പെട്ടെന്നതാ സൈറൺ മുഴക്കി
പോലീസ് വണ്ടി വരവായി
ആനയെക്കണ്ട് പോലീസ് ഏമാൻ
ആദ്യമൊന്ന് ഞെട്ടിപ്പോയ്
ലാത്തി കണ്ട് ആനക്കുട്ടനും
ഓടിപ്പോവാൻ തോന്നിപ്പോയ്
പേടിക്കേണ്ടത് കൊറോണയെയെന്ന്
പോലീസ് ഏമാൻ ചൊല്ലിപ്പോയ്
കൊറോണയെന്ന് കേട്ടയുടനെ
ആനക്കുട്ടൻ ഓടിപ്പോയ്
