ഇ എം എസ് സ്മാരക ഗവ. എച്ച് എസ് എസ് പാപ്പിനിശ്ശേരി/അക്ഷരവൃക്ഷം/ശുചിത്വവും ജീവിതവും

ശുചിത്വവും ജീവിതവും ശാന്തമായ നിദ്രയ്ക്കു ശേഷം ഉണ്ണിക്കുട്ടൻ പതിവിലും നേരത്തേ ഉണർന്നു.അവൻ തൻെറ കൊച്ചനുജനോടോപ്പം വരാന്തയിലിരിക്കുകയായിരുന്നു.മറ്റുള്ളവരിൽ നിന്നും തികച്ചും വ്യത്യസ്തനായ ഉണ്ണിക്കുട്ടൻ ഏറെ വികൃതിയുള്ളവനാണ്.വയൽവരമ്പത്ത് കറങ്ങി നടക്കുക,പ്രാവിനെ കൊഞ്ചിക്കുക,അയൽവാസികളുടെ കുട്ടികളുമായി ചങ്ങാത്തം കൂടുകയും ഒപ്പം വഴക്കിടുകയും ചെയ്യുക,നായയെ കൂട്ടിനുള്ളിൽ നിന്നും തന്ത്രങ്ങൾ ഉപയോഗിച്ച് പുറത്തിറക്കുക,കോഴിക്കുഞ്ഞുങ്ങളെ ഭയക്രാന്തരാക്കുക.....ഇങ്ങനെ ...ഇങ്ങനെ..എങ്കിലും വൃദ്ധജനങ്ങളോടും മുതിർന്നവരോടും വളരെ വിനയത്തോടുകൂടിയാണ് അവൻ പെരുമാറിയിരുന്നത്.ദൂരെയുള്ള അപ്പൂപ്പനെയും അമ്മൂമ്മയെയും ഇടയ്ക്കിടെ സന്ദർശിക്കുന്നത് വലിയ ഇഷ്ടമായിരുന്നു.മാത്രവുമല്ല അവർ എന്തു പറഞ്ഞാലും അത് അക്ഷരംപ്രതി അനുസരിക്കുവാൻ അവന് യാതൊരു മടിയുമുണ്ടായിരുന്നില്ല.പരിസര ബോധവും സാമൂഹിക ബോധവും വ്യക്തി ശുചിത്വവും അവനെ സംബന്ധിച്ചിടത്തോളം വളരെ പരിമിതമാണ്.എങ്കിലും അമ്മയുടെയും അച്ചൻെറയും പതിവിൽനിന്നും വ്യത്യസ്തമായ പെരുമാറ്റം അവനെ അത്ഭുതപ്പെടുത്തി.അവരുടെ സംസാരം മുഴുവനും ഒരു കൊച്ചു വൈറസിനെക്കുറിച്ചുള്ളതായിരുന്നു.ലോകമെങ്ങും പടർന്നുപിടിക്കുന്ന മഹാവ്യാധിയെപ്പറ്റിയായിരുന്നു.മരണത്തിനു കീഴടങ്ങുന്ന മനുഷ്യരെക്കുറിച്ചായിരുന്നു.മനുഷ്യൻെറ സമ്പൂർണ്ണശേഷിയെയും വികാസമേഖലകളെയും നശിപ്പിക്കുന്നതിനെക്കുറിച്ചായിരുന്നു.വ്യക്തി ശുചിത്വത്തെക്കുറിച്ചും സുരക്ഷിതത്വത്തെക്കുറിച്ചും പ്രായഭേദമന്യേ എല്ലാവരും ഉണ്ണിക്കുട്ടനെ ബോധവാനാക്കിയിരിക്കുന്നു. അവൻെറ അച്ഛൻ സോപ്പുപയോഗിച്ച് കൈകൾ കഴുകുന്നതിൻെറ ആവശ്യകതയെക്കുറിച്ചും അവ എപ്പോൾ ,എങ്ങനെ കഴുകണം എന്നതിനെക്കുറിച്ചും പറഞ്ഞു മനസ്സിലാക്കി. പോലീസുദ്യോഗസ്ഥനായ അച്ഛൻ സ്വന്തം സുരക്ഷിതത്വത്തെ ജനങ്ങൾക്കുവേണ്ടി ത്യജിക്കുകയാണെന്നവനറിയാം. രണ്ടുനേരം വൃത്തിയായി കുളിക്കുവാനും വ്യക്തിശുചിത്വം പാലിക്കുവാനുമുള്ള നിർദ്ദേശം അമ്മയുടെ ഭാഗത്തുനിന്നും ഇടയ്ക്കിടെ ഉണ്ടാവും.ഉമിക്കരി കൊണ്ടു പല്ല് തേയ്ക്കുവാനും അരി ആഹാരവും പഴവർഗ്ഗങ്ങളും ആവോളം കഴിക്കുവാനുമുള്ള നിർദ്ദേശം അപ്പൂപ്പൻെറ വക. ഇനിയുള്ള ദിവസങ്ങളിൽ ആരുംതന്നെ പുറത്തിറങ്ങുവാൻ പാടുള്ളതല്ല എന്ന നിർദ്ദേശവും കേട്ടു.ഹോമിയോ ഡോക്ടറായ ചേട്ടൻ അവന് കുറേ കഥാപുസ്തകങ്ങൾ എത്തിച്ചു കൊടുത്തു.കൃത്യമായ ഉറക്കം, ചിട്ടയായ വ്യായാമം എന്നിവ പ്രാവർത്തികമാക്കുവാൻ അവനെ ഉപദേശിച്ചു.എല്ലാവരും ആരോഗ്യത്തെക്കുറിച്ചും ശുചിത്വത്തെക്കുറിച്ചും മാത്രം സംസാരിക്കുന്നു. രാവിലെ എഴുന്നേറ്റുള്ള വെയിൽകായൽ അവനൊരു ശീലമാക്കി.അവൻെറ ചിന്ത മുഴുവൻ കോവിഡ് 19 എന്ന വൈറസിനെ കുറിച്ചായിരുന്നു."ഉണ്ണീ...”അമ്മയുടെ നീട്ടിയുള്ള വിളി അവനെ ചിന്തയിൽ നിന്നുണർത്തി.കുളികഴിഞ്ഞ് അവൻ അമ്മയോടായി ചോദിച്ചു.."അമ്മേ,ഒരു രോഗാണു കാരണം എങ്ങനെയാണ് ഇത്രയും ശുചിത്വം പാലിക്കാൻ സാധ്യമാകുന്നത്?" "രോഗത്തിൻെറ തീവ്രത മനുഷ്യൻെറ ശുചിത്വബോധത്തെ ഉണർത്തുന്നു.മനുഷ്യൻെറ സുരക്ഷിതത്വം എന്നത് ശുചിത്വം മാത്രമാണ്.” അമ്മയുടെ മറുപടി . ഉണ്ണിയുടെ ചോദ്യം,”ശുചിത്വം സംസ്കാരമാണല്ലേ അമ്മേ? അമ്മയുടെ മറുപടി ഇങ്ങനെയായിരുന്നു.....”തീർച്ചയായും .സഞ്ചാരങ്ങളിൽ ഉണർവും യാമവും പ്രത്യക്ഷമാണ്.യാമങ്ങളെ പ്രതിരോധിക്കുകയും ഉണർവുകളെ പരിപൂർണമായി സ്വീകരിക്കുകയുമാണ് വേണ്ടത്.”< ഉണ്ണിക്കുട്ടൻ അഭിമാനത്തോടെ തലയാട്ടി.അവൻ അനുസരണയുള്ള കുട്ടിയായി മാറിയിരിക്കുന്നു. ഫാത്തിമത്തുൽ ജാസ്മിൻ വി കെ 9 ഇ എം എസ് എസ് ജി എച്ച് എസ് എസ് പാപ്പിനിശ്ശേരി പാപ്പിനിശ്ശേരി ഉപജില്ല കണ്ണൂർ അക്ഷരവൃക്ഷം പദ്ധതി, 2020 കഥ  സാങ്കേതിക പരിശോധന - sindhuarakkan തീയ്യതി: 20/ 06/ 2020 >> രചനാവിഭാഗം - കഥ