ഇ.കെ.നായനാർ സ്മാരക ഗവ. എച്ച്.എസ്.എസ്. വേങ്ങാട്/ലിറ്റിൽകൈറ്റ്സ്
| ഹോം | ഡിജിറ്റൽ മാഗസിൻ | ഫ്രീഡം ഫെസ്റ്റ് | 2018 20 | 2019 21, 22 | 2020 23 | 2021 24 | 2022 25 | 2023 26 | 2024 27 |
നിലവിൽ 2021 -'24 ബാച്ചിൽ 34 കുട്ടികളും, 2022-'25 ബാച്ചിൽ 27 കുട്ടികളും, 2023-'26 ബാച്ചിൽ 25 കുട്ടികളും ലിറ്റിൽ കൈറ്റ്സ് അംഗങ്ങളാണ്. മലയാളം കമ്പ്യൂട്ടിങ്, ഗ്രാഫിക് ഡിസൈനിങ്, അനിമേഷൻ, ബ്ലോക്ക് പ്രോഗ്രാമിങ്, ഇലക്ട്രോണിക്സ് ആൻഡ് റോബോട്ടിക്സ് തുടങ്ങിയ വിഷയങ്ങളിൽ പരിശീലനം നൽകി വരുന്നു.
2018-'19 അക്കാദമിക വർഷം ലിറ്റിൽ കൈറ്റ്സ് യൂണിറ്റ് ആരംഭിച്ചത് മുതൽ വളരെ മികച്ച രീതിയിൽ പ്രവർത്തിക്കുന്ന ഊർജ്ജസ്വലരായ ലിറ്റിൽ കൈറ്റ്സ് അംഗങ്ങളാണ് വിദ്യാലയത്തിൽ ഉള്ളത്. 25 ൽ അധികം ലാപ്‌ടോപ്പുകളുള്ള മികച്ച ഒരു കമ്പ്യൂട്ടർ ലാബ് ലിറ്റിൽ കൈറ്റ്സ് പ്രവർത്തങ്ങൾ ഭംഗിയായി നടത്താൻ സഹായിക്കുന്നു. ഓരോ ക്ലാസ്സിലുമുള്ള ലിറ്റിൽ കൈറ്റ്സ് അംഗങ്ങൾ ഹൈടെക് ക്ലാസുകൾ നല്ലരീതിയിൽ ഉപയോഗിക്കുന്നതിനു അധ്യാപകരെ സഹായിക്കുന്നു.
2023-'24
2023 ജൂൺ മാസം ലിറ്റിൽ കൈറ്റിന്റെ 2023-'26 ബാച്ചിലേക്കുള്ള അംഗങ്ങളെ തെരഞ്ഞെടുക്കാനുള്ള പ്രവേശന പരീക്ഷ നടന്നു. അമ്പത്തഞ്ചോളം കുട്ടികൾ പരീക്ഷ എഴുതി. 40 ൽ അധികം കുട്ടികൾ വിജയിച്ചതിൽ നിന്നും മിടുക്കരായ 25 കുട്ടികളാണ് ലിറ്റിൽ കൈറ്റിൽ അംഗത്വമെടുത്തത് .
ജൂൺ 19 ന് വിദ്യാലയത്തിൽ നടന്ന വായനാദിനാഘോഷത്തിൽ ഡിജിറ്റൽ പോസ്റ്റർ നിർമ്മിച്ച് പ്രദർശിപ്പിച്ചുകൊണ്ട് ലിറ്റിൽ കൈറ്റ് അംഗങ്ങളും പങ്കാളികളായി.
2023-'26 ബാച്ചിന്റെ പ്രിലിമിനറി ക്യാമ്പ് കൈറ്റ് മാസ്റ്റർ ട്രെയിനർ രജിത്ത് സാറിന്റെ നേതൃത്വത്തിൽ നടന്നു.
ഷോർട്ഫിലിം
ജലത്തിന്റെ പ്രാധാന്യത്തെക്കുറിച്ച് ജലശ്രീ ക്ലബ്ബിന്റെ സഹകരണത്തോടെ 2023-'26 ബാച്ചിലെ ലിറ്റിൽ കൈറ്റ് അംഗങ്ങൾ ഒരു ഷോർട്ഫിലിം നിർമ്മിച്ചു.
ആനിമേഷൻ പരിശീലനം
സ്കൂളിലെ ലിറ്റിൽ കൈറ്റ് 2022-25 ബാച്ച് വിദ്യാർത്ഥികൾ സമീപത്തെ യു.പി. സ്കൂൾ വിദ്യാർത്ഥികൾക്ക് 2024 മാർച്ച് 12 ന് അനിമേഷൻ, ഗ്രാഫിക് ഡിസൈനിങ് എന്നിവയിൽ പരിശീലനം നൽകി.
