അൽഫോൻസ ഗേൾസ് എച്ച് എസ് വാകക്കാട്/ലിറ്റിൽകൈറ്റ്സ്/2024-27
| Home | 2024-27 | 2025-28 | 2026-29 |
 ഫ്രീഡം ഫെസ്റ്റ്  ഡിജിറ്റൽ മാഗസിൻ LK Alumni 2018-20 2019-21 2020-23 2021-24 2022-25 2023-26
|
വാകക്കാട് സെന്റ് അൽഫോൻസാ ഹൈസ്കൂളിൽ ‘ബെറ്റർ അച്ചീവ്മെന്റ് ഫോർ ബെറ്റർ ഫ്യൂച്ചർ’ എന്ന പ്രോജക്ടിന് തുടക്കം കുറിച്ചു.
| 31074-ലിറ്റിൽകൈറ്റ്സ് | |
|---|---|
| സ്കൂൾ കോഡ് | 31074 |
| യൂണിറ്റ് നമ്പർ | LK/2018/31074 |
| റവന്യൂ ജില്ല | കോട്ടയം |
| വിദ്യാഭ്യാസ ജില്ല | പാല |
| ഉപജില്ല | രാമപുരം |
| കൈറ്റ് മാസ്റ്റർ / മിസ്ട്രസ് 1 | Manu K Jose |
| കൈറ്റ് മാസ്റ്റർ / മിസ്ട്രസ് 2 | Julia Augustin |
| അവസാനം തിരുത്തിയത് | |
| 20-02-2026 | Anumam |
“മികച്ച ഭാവിക്കായി മികച്ച നേട്ടം” (ബി എ ഫോർ ബി എഫ് : – ബെറ്റർ അച്ചീവ്മെന്റ് ഫോർ ബെറ്റർ ഫ്യൂച്ചർ) എന്ന പദ്ധതിയുമായി വാകക്കാട് സെന്റ് അൽഫോൻസാ ഹൈസ്കൂൾ വാകക്കാട്. തുടർച്ചയായ പഠനം, നൈപുണ്യ വികസനം, ജീവിതത്തിന്റെ വിവിധ തലങ്ങളിൽ പോസിറ്റീവ് മാറ്റം എന്നിവയിലൂടെ കുട്ടികളെ മികച്ചയൊരു ഭാവിയിലേക്ക് നയിച്ച് ജീവിതവിജയം നേടിയെടുക്കുന്നതിന് ബി എ ഫോർ ബി എഫ് എന്ന പ്രോജക്ട് ലക്ഷ്യം വയ്ക്കുന്നു.
ഇന്ന് കൂടുതൽ നന്നായി പരിശ്രമിക്കുന്നത് വ്യക്തിപരവും സാമൂഹ്യപരവും തൊഴിൽപരവുമായ നേട്ടങ്ങൾക്കും കൂടുതൽ സംതൃപ്തവും വിജയകരവുമായ ഭാവിക്കും കാരണമായിത്തീരും എന്നും പ്രോജക്ട് കുട്ടികളെ ഉദ്ബോധിപ്പിക്കുന്നു.ഓരോ ലക്ഷ്യത്തിലെത്തിച്ചേരുന്നതിനും അതിൻ്റെ പൂർത്തീകരണത്തിനും വ്യക്തമായ ഒരു കർമ്മ പദ്ധതി അനിവാര്യമാണെന്ന് പദ്ധതി ഉദ്ഘാടനം ചെയ്ത് മാണി സി കാപ്പൻ എംഎൽഎ പറഞ്ഞു. ഇതുപോലുള്ള പദ്ധതികൾ കാലത്തിൻ്റെ വെല്ലുവിളികളെ അതിജീവിക്കാൻ കുട്ടികൾക്ക് കരുത്തേകുന്നതാണെന്നും അദ്ദേഹം അഭിപ്രായപ്പെട്ടു.പദ്ധതിയുടെ ലോഗോ മാണി സി കാപ്പൻ എംഎൽഎ, സ്കൂൾ മനേജർ ഫാ. മൈക്കിൾ ചീരാംകുഴി എന്നിവർ ചേർന്ന് പ്രകാശനം ചെയ്തു.
രാമപുരം ഉപജില്ലാ ശാസ്ത്രോത്സവം: ടീച്ചേഴ്സ് വിഭാഗം കൈയടക്കിയ വാകക്കാട് സെന്റ് അൽഫോൻസാ ഹൈസ്കൂളിലെ അധ്യാപകർക്ക് പൂച്ചെണ്ടുകളോടെ അഭിനന്ദനങ്ങളുമായി കുട്ടികൾ.
രാമപുരം ഉപജില്ല ശാസ്ത്രോത്സവത്തിൽ അധ്യാപക വിഭാഗങ്ങളിൽ ഏറ്റവും കൂടുതൽ പോയിന്റ് കരസ്ഥമാക്കുന്ന സ്കൂളിന് ഏർപ്പെടുത്തിയിരിക്കുന്ന സെന്റ് അൽഫോൻസ എവറോളിംഗ് ട്രോഫി കരസ്ഥമാക്കിയ വാകക്കാട് സെന്റ് അൽഫോൻസാ ഹൈസ്കൂൾ അധ്യാപകർക്ക് പൂച്ചെണ്ടുകളോടെ അഭിനന്ദനങ്ങളുമായി കുട്ടികളെത്തി. ശാസ്ത്രമേളയിലെ വിവിധയിനങ്ങളിൽ തങ്ങൾക്ക് പരിശീലനം നൽകുകയും അതോടൊപ്പം ശാസ്ത്രമേളയിലെ അധ്യാപക വിഭാഗങ്ങളിൽ പങ്കെടുത്ത് മികച്ച വിജയം കരസ്ഥമാക്കുകയും ചെയ്ത അധ്യാപകർ തങ്ങൾക്ക് വലിയ പ്രചോദനവും മാതൃകയുമാണെന്ന് കുട്ടികൾ അഭിപ്രായപ്പെട്ടു. വി. അൽഫോൻസാമ്മയുടെ വാകക്കാട് സ്കൂളിലെ അധ്യാപനത്തിന്റെ ഓർമ്മയ്ക്കായാണ് രാമപുരം ഉപജില്ലയിൽ സെന്റ് അൽഫോൻസ എവറോളിംഗ് ട്രോഫി ഏർപ്പെടുത്തിയിരിക്കുന്നത്.
ഫീൽഡ് വിസിറ്റ് @ കാഞ്ഞിരപ്പള്ളി അമൽ ജ്യോതി കോളേജ് ഓഫ് എൻജിനീയറിങ്
ഡി.സി.എം.ആർ തീക്കോയിലെ മാനസിക വൈകല്യമുള്ള കുട്ടികൾക്കായുള്ള ലിറ്റിൽ കൈറ്റ്സ് യൂണിറ്റ് ഇ-ലേണിംഗ് ക്ലാസ് പരിശീലനം – സെന്റ് അൽഫോൻസ് ഹൈസ്കൂൾ, വാകക്കാട്.
ഇ-ലേണിംഗ് ക്ലാസ് – വാകക്കാട് സെന്റ് അൽഫോൻസ ഹൈസ്കൂളിലെ ലിറ്റിൽ കൈറ്റ്സ് യൂണിറ്റ്
വാകക്കാട് സെന്റ് അൽഫോൻസ ഹൈസ്കൂളിലെ ലിറ്റിൽ കൈറ്റ്സ് യൂണിറ്റിലെ വിദ്യാർത്ഥികൾക്കായി ഒരു പ്രത്യേക ഇ-ലേണിംഗ് ക്ലാസ് സംഘടിപ്പിച്ചു. ഈ ക്ലാസ് മാനസിക വൈകല്യമുള്ള കുട്ടികൾക്ക് ഇ-ലേണിംഗ് സഹായം നൽകുന്നതിനായി ലിറ്റിൽ കൈറ്റ്സ് ടീച്ചർമാരും വിദ്യാർത്ഥികളും ചേർന്ന് നടത്തി.
ക്ലാസിന്റെ ഭാഗമായി വിദ്യാർത്ഥികൾ ലാപ്ടോപ്പുകളും ഡിജിറ്റൽ ഉപകരണങ്ങളും ഉപയോഗിച്ച് സജീവമായി പഠന പ്രവർത്തനങ്ങളിൽ പങ്കെടുത്തു. സ്കൂളിലെ ലിറ്റിൽ കൈറ്റ്സ് അധ്യാപക സംഘം ക്ലാസ് നിയന്ത്രിച്ചു.
വീട്ടിലോ സ്കൂളിലോ നിന്ന് പഠിക്കാനാകാത്ത കുട്ടികൾക്ക് ഇ-ലേണിംഗ് മാർഗ്ഗത്തിലൂടെ എളുപ്പത്തിൽ അറിവ് ലഭിക്കാമെന്ന ആശയം ഈ ക്ലാസ് വ്യക്തമായി അവതരിപ്പിച്ചു. കൂടാതെ, സ്കൂളിലെ ലിറ്റിൽ കൈറ്റ്സ് അധ്യാപകരായ അനു അലക്സും ദിവ്യ കെ.ജി.യും ഒരു ചെറിയ പാട്ട് ആലപിച്ച് കുട്ടികളുമായി സൗഹൃദപരമായആശയവിനിമയം നടത്തി, ക്ലാസിനെ കൂടുതൽ സജീവവും സാന്ത്വനകരവും ആക്കി.ഡി.സി.എം.ആർ. തീക്കോയിലെ അധ്യാപകയുമായി സംവാധിക്കുന്ന ലിറ്റിൽ കൈറ്റ്സ് വിദ്യാർത്ഥികൾ
.
ടീച്ചിംങ് എയ്ഡിലെ മികവിന് കലോത്സവ വേദിയിൽ ആദരവ്.
അധ്യാപകർക്ക് ആദരവ് അർപ്പിച്ച് രാമപുരം ഉപജില്ല :പാലക്കാട് നടന്ന സംസ്ഥാന സ്കൂൾ ശാസ്ത്രോത്സവത്തിൽ ഗണിതശാസ്ത്രം ടീച്ചിങ് എയ്ഡ് യുപി വിഭാഗം മത്സരത്തിൽ എ ഗ്രേഡോടെ ഒന്നാം സ ്ഥാനം കരസ്ഥമാക്കിയ ജോസഫ് കെ വി, ഹൈസ്കൂൾ വിഭാഗം ടീച്ചിങ് എയ്ഡ് മത്സരത്തിൽ എ ഗ്രേഡ് കരസ്ഥമാക്കിയ മനു കെ ജോസ് എന്നീ അധ്യാപകർക്ക് രാമപുരം ഉപജില്ലാ കലോത്സവ ഉദ്ഘാടന വേദിയിൽവച്ച് ആദരവ് അർപ്പിച്ചു. രാമപുരം ഉപജില്ലയിൽപെട്ട വാകക്കാട് സെന്റ് അൽഫോൻസ ഹൈസ്കൂളിലെ ഗണിതശാസ്ത്ര അധ്യാപകരാണ് ഇരുവരും. കഴിഞ്ഞ മൂന്നു വർഷങ്ങളിലും തുടർച്ചയായി സംസ്ഥാനതലത്തിൽ സമ്മാനാർഹനായിരുന്ന ജോസഫ് കെ വി നാലാം തവണയും വിജയം കരസ്ഥമാക്കി. 2016 മുതൽ തുടർച്ചയായി പത്താം തവണയാണ് മനു കെ ജോസ് ശാസ്ത്രോത്സവത്തിൽ സംസ്ഥാനതലത്തിൽ എ ഗ്രേഡ് കരസ്ഥമാക്കുന്നത്. രാമപുരം ഉപജില്ലയെയും കോട്ടയം ജില്ലയെയും പ്രതിനിധീകരിച്ച് തുടർച്ചയായി സംസ്ഥാനതലത്തിൽ അംഗീകാരം നേടുന്ന മനു കെ ജോസ്, ജോസഫ് കെ വി എന്നീ അധ്യാപകരെ വെളിയന്നൂർ വന്ദേമാതരം വൊക്കേഷണൽ ഹയർസെക്കൻഡറി സ്കൂളിൽ വച്ചു നടന്ന ചടങ്ങിൽ ബാലസാഹിത്യകാരൻ ഹരീഷ് ആർ നമ്പൂതിരിപ്പാട്, സ്കൂൾ മാനേജർ രാജേഷ് മറ്റപ്പിള്ളി എന്നിവരുടെ സാന്നിധ്യത്തിൽ രാമപുരം ഉപജില്ലാ വിദ്യാഭ്യാസ ഓഫീസർ ജോളിമോൾ ഐസക് പൊന്നാട അണിയിച്ച് ആദരിച്ചു.
പഴയ തലമുറക്കായി പുതിയ തലമുറയുടെ ക്ലാസ്സ്
സെന്റ് അൽഫോൻസാ ഹൈ സ്കൂൾ വകക്കാടില്ലേ little kites കുട്ടികൾ മാതാപിതാക്കൾക്കായി AI awareness class സർവ്വം Ai മയം എന്ന പേരിൽ സെന്റ് അൽഫോൻസ് ഹൈ സ്കൂളിലെ മുൾട്ടീമീഡിയിൽ വെച്ച് നടത്തപ്പെടുകയും ചെയ്തു . ആധുനിക ലോകത്തിൽ കൃത്രിമ ബുദ്ധിയുടെ (AI) പ്രാധാന്യവും ഉപയോഗങ്ങളും മാതാപിതാക്കൾക്ക് പരിചയപ്പെടുത്തുന്നതായിരുന്നു പരിപാടിയുടെ ലക്ഷ്യം. പരിപാടിയുടെ സ്വിച്ച് ഓൺ നിർവഹിച്ചത് ശ്രീ Tomy Maramattom ആയിരുന്നു. സ്കൂളിലെ മുൻ Little Kites മാസ്റ്ററും നിലവിലെ SITC യുമായ ശ്രീ Manu K Jose ഉദ്ഘാടനം നിർവഹിച്ചു. തുടർന്ന് Joel George, Adon J Saiju, Tharun P Raj, Ashish Arby എന്നിവർ ക്ലാസ് കൈകാര്യം ചെയ്തു. ലളിതമായ രീതിയിൽ AI ഉപകരണങ്ങളും അതിന്റെ പ്രായോഗിക ഉപയോഗങ്ങളും വിശദീകരിച്ച ഈ ക്ലാസ് മാതാപിതാക്കൾക്ക് ഏറെ ഉപകാരപ്രദവും പ്രചോദനകരവുമായ അനുഭവമായി മാറി.
10-ാം ക്ലാസ്സിലെ വിദ്യാർത്ഥികൾകായി 9-ാം ക്ലാസ്സിലെ ലിറ്റിൽ കൈറ്റ്സ് വിദ്യാർത്ഥികൾ നടത്തിയ റോബോട്ടിക്സ് ക്ലാസ്സ്.
ഞങ്ങളുടെ സ്കൂളിലെ ലിറ്റിൽ കൈറ്റ്സ് യൂണിറ്റിലെ 9-ാം ക്ലാസ് വിദ്യാർത്ഥികൾ റോബോട്ടിക്സിന്റെ അടിസ്ഥാനങ്ങൾ 10-ാം ക്ലാസ് വിദ്യാർത്ഥികൾക്ക് പരിചയപ്പെടുത്തുന്നതിന് ഒരു പരിശീലന ക്ലാസ് സംഘടിപ്പിച്ചു. ഈ പരിശീലനത്തിനായി ആർഡിയുനോ ബോർഡ്, ബസ്സർ എന്നിവ ഉൾപ്പെടുത്തിയിരിക്കുന്ന സർക്ക്യൂട്ട് ഉപയോഗിച്ച് പ്രവർത്തനം പ്രായോഗികമായി കാണിച്ചു. സർക്ക്യൂട്ട് എങ്ങനെ പ്രവർത്തിക്കുന്നു, ബസ്സർ എങ്ങനെ കണക്റ്റ് ചെയ്യണം, കമാന്റ് ലഭിക്കുമ്പോൾ എന്താണ് സംഭവിക്കുന്നത് എന്നീ കാര്യങ്ങൾ വിദ്യാർത്ഥികൾ വിശദമായി അവതരിപ്പിച്ചു. ഈ പ്രവർത്തനം വഴിയുള്ള പഠനം 10-ാം ക്ലാസ് വിദ്യാർത്ഥികൾക്ക് റോബോട്ടിക്സ് മേഖലയെ കൂടുതൽ അടുത്ത് മനസിലാക്കാൻ സഹായകമായി.
വാകക്കാട് സെന്റ് അൽഫോൻസ ഹൈസ്കൂളിൽ ലിറ്റിൽ കൈറ്റ്സ് മികവുത്സവത്തിന്റെ ഭാഗമായി റോബോട്ടിക് ആൻഡ് അനിമേഷൻ ഫെസ്റ്റ് ‘ടെക്ടെയിൽസ് – 2025’ നു തുടക്കം കുറിച്ചു.
വാകക്കാട് സെന്റ് അൽഫോൻസ ഹൈസ്കൂളിൽ ലിറ്റിൽ കൈറ്റ്സ് മികവുത്സവത്തിന്റെ ഭാഗമായി സംഘടിപ്പിക്കുന്ന റോബോട്ടിക് ആൻഡ് അനിമേഷൻ ഫെസ്റ്റ് ‘ടെക്ടെയിൽസ് – 2025’ നു ഭംഗിയോടെയും ആവേശത്തോടെയും തുടക്കം കുറിച്ചു. വിദ്യാർത്ഥികൾക്ക് സാങ്കേതിക രംഗത്തെ പുതിയ സാധ്യതകൾ പരിചയപ്പെടുത്തുകയും അവരുടെ സൃഷ്ടിപ്രതിഭ വികസിപ്പിക്കുകയുമാണ് ഈ മേളയുടെ പ്രധാന ലക്ഷ്യം.
ഫെസ്റ്റിന്റെ ഉദ്ഘാടനം സ്കൂൾ പ്രിൻസിപ്പൽ നിർവഹിച്ചു. തുടർന്ന് ലിറ്റിൽ കൈറ്റ്സ് അംഗങ്ങൾ വിവിധ റോബോട്ടിക് പ്രോജക്റ്റുകളും അനിമേഷൻ പ്രസൻറ്റേഷനുകൾ അവതരിപ്പിച്ചു. ടെക്നോളജിയോടുള്ള കുട്ടികളുടെ ചാരുതയും കഴിവും ഇതിലൂടെ പ്രതിഫലിച്ചു.
വിവിധ മത്സരങ്ങൾ, പ്രായോഗിക സെഷനുകൾ, പ്രദർശനങ്ങൾ എന്നിവ ഉൾപ്പെടുത്തി ഒരുക്കിയ ഈ മേള വിദ്യാർത്ഥികൾക്ക് അറിവും പ്രചോദനവും പകരുന്നതായി അധ്യാപകർ അഭിപ്രായപ്പെട്ടു. ഭാവിയിലെ സാങ്കേതിക ലോകത്തെ അഭിമുഖീകരിക്കാൻ വിദ്യാർത്ഥികളെ സജ്ജരാക്കുന്ന ഒരു വേദിയായിത്തീർന്ന് ‘ടെക്ടെയിൽസ് – 2025’ ശ്രദ്ധേയമായി.