അസംപ്ഷൻ എച്ച് എസ് ബത്തേരി/സ്കൗട്ട്&ഗൈഡ്സ്/സ്കൗട്ട് ഗൈഡ് വിദ്യാർത്ഥികളുടെ ജില്ലാ റാലി
ബ്രുവരി 10-12. ആവേശമായി സ്കൗട്ട് ഗൈഡ് വിദ്യാർത്ഥികളുടെ ജില്ലാ റാലി .
സ്കൗട്ട് ഗൈഡ് വിദ്യാർത്ഥികളുടെ ആവേശമായി ജില്ലാറാലി മാനന്തവാടിയിൽ സംഘടിപ്പിച്ചു.ഗവ ഹൈസ്കൂൾ മാനന്തവാടിയിലെ വിശാലമായ ഗ്രൗണ്ടിൽ വെച്ചായിരുന്നു ജില്ലാറാലി സംഘടിപ്പിച്ചത്. അത്യന്തം ആവേശഭരിതമായ ഈ റാലിയിൽ രണ്ടായിരത്തോളം വിദ്യാർഥികൾ പങ്കെടുത്തു .അസംപ്ഷൻ ഹൈസ്കൂളിൽ നിന്നും 28 സ്കൗട്ടുകളും 16 ഗൈഡുകളും ജില്ലാറാലിയിൽ പങ്കെടുത്തു. വയനാട് ജില്ലയിലെ എല്ലാ സ്കൂളുകളിലെയും ഗൈഡ് വിദ്യാർത്ഥികളുടെ സംഗമമാണ് ജില്ലാ റാലി. ഇതിന് സ്കൗട്ട് ഗൈഡ് അധ്യാപകരോടൊപ്പം അതിൻറെ ജില്ലാ നേതൃത്വവും മേൽനോട്ടം വഹിക്കുന്നു.
പ്രൗഢഗംഭീരമായ ഉദ്ഘാടന ചടങ്ങുകൾ , പയനിയറിങ് പ്രോജക്ടുകൾ, അഡ്വഞ്ചർ ബേസുകൾ, കുട്ടികൾ സ്വയം തയ്യാറാക്കിയ ടെന്റുകൾ, ശബളമായ കലാപരിപാടികൾ, നയന മനോഹരമായിട്ടുള്ള ആകാശ വിസ്മയം, ദീപാലങ്കാരങ്ങൾ, ചടുലമായ മാർച്ച് പാസ്റ്റ്, എന്നിവ കൊണ്ട് ഗംഭീരമായിരുന്നു ഈ വർഷത്തെ ജില്ലാ റാലി. വിദ്യാർത്ഥികൾ നിർമിക്കുന്ന പയനിയറിങ് പ്രോജക്ടുകളും മറ്റ് ഗാഡ്ജറ്റുകളും വിദ്യാർത്ഥികൾ സ്കൗട്ടിങ്ങിൽ നിന്നും നേടിയെടുക്കുന്ന നൈപുണ്യകളുടെ നേർക്കാഴ്ചയാണ്. മൂന്നുദിവസങ്ങളായാണ് റാലിയുടെ പരിപാടികൾ സംഘടിപ്പിച്ചത് രണ്ടാം ദിവസത്തെ നൃത്ത സന്ധ്യ വിദ്യാർത്ഥികൾക്ക് ഏറെ ആവേശം പകരുന്നതായിരുന്നു. അസംപ്ഷൻ ഹൈസ്കൂളിലെ സ്കൗട്ട് വിഭാഗത്തിന് ശ്രീ ഷാജി ജോസഫ് സാർ നേതൃത്വം നൽകുന്നു, ഗൈഡ് വിഭാഗത്തിന് ശ്രീമതി അനിയ മ്മ കെ ജെ, നേതൃത്വം നൽകുന്നു യും. റാലി വെള്ളിയാഴ്ച തുടങ്ങി ഞായറാഴ്ച സമാപിച്ചു.
ജില്ലാറാലി വീഡിയോ കാണാൻ ഇവിടെ ക്ലിക്ക് ചെയ്യു.
