അസംപ്ഷൻ എച്ച് എസ് ബത്തേരി/നാഷണൽ കേഡറ്റ് കോപ്സ്/2023-24
2023-24 വർഷത്തെ പ്രവർത്തനങ്ങൾ
ജൂൺ 21. വേൾഡ് യോഗാ ഡേ.
ലോക യോഗാ ദിനത്തോടനുബന്ധിച്ച് അസംപ്ഷൻ ഹൈസ്കൂളിലും യോഗ ഡെമോൺസ്ട്രേഷന‍ും ഡിസ്പ്ലേയും സംഘടിപ്പിച്ചു .അസംപ്ഷൻ ഹൈസ്കൂളിലെ എൻ.സി.സി.കേഡറ്റുകളുടെ ആഭിമുഖ്യത്തിലായിരുന്നു പരിപാടികൾ സംഘടിപ്പിച്ചത്. യോഗ പ്രദർശനത്തിൽ നൂറോളം എ.സി.സി വിദ്യാർത്ഥികൾ പങ്കെടുത്തു .പരിപാടികൾക്ക് സി.ടി.ഓ (എൻസിസി ഇൻചാർജ് .)ശ്രീ .അർജുൻ തോമസ് നേതൃത്വം നൽകി.സ്കൂൾ ഹെഡ്മാസ്റ്റർ ശ്രീ.ബിനു തോമസ് കേഡറ്റുകളെ അഭിസംബോധന ചെയ്ത് സംസാരിച്ചു. പരിപാടികൾ ഒരു മണിക്കൂർ നീണ്ടുനിന്നു .
ആഗസ്റ്റ് 15.സ്വാതന്ത്ര്യദിനം ആഘോഷിച്ചു.
അസപ്ഷൻ ഹൈസ്കൂളിൽ സംഘടിപ്പിച്ച സ്വാതന്ത്ര്യ ദിനപരിപാടികളിൽ സ്കൂളിലെ എൻസിസി അംഗങ്ങളും സജീവമായി പങ്കെടുത്തു .ആഗസ്റ്റ് 15,സ്കൂളിൽ സ്വാതന്ത്ര്യദിനാഘോഷങ്ങൾ വിപുലമായ രീതിയിൽ സംഘടിപ്പിച്ചു.സ്കൂൾ ഹെഡ്മാസ്റ്റർ ശ്രീ. ബിനു തോമസ് സാർ പതാക ഉയർത്തി.പ്രസിദ്ധ സഞ്ചാര സാഹിത്യകാരനായ ശ്രീ.ഭാസ്കരൻ ബത്തേരി വിദ്യാർഥികൾക്ക് സ്വാതന്ത്ര്യദിന സന്ദേശംനൽകി.ദേശഭക്തിഗാനാലാപനം,ഡിസ്പ്ലേ,തുടങ്ങിയവയുമുണ്ടായിരുന്നു.തുടർന്ന് സ്കൗട്ട് ഗൈഡ്,എൻസിസി,ജെ ആർ സി . വിദ്യാർത്ഥികൾ ബത്തേരി നഗരത്തിൽ സ്വാതന്ത്ര്യദിന റാലി നടത്തുകയും ഗാന്ധി പ്രതിമയിൽ പുഷ്പഹാരം അണിയിക്കുകയും ചെയ്തു. സ്കൗട്ട് മാസ്റ്റർ ശ്രീ. ഷാജി ജോസഫ് , ഗൈഡ് ക്യാപ്റ്റൻ ശ്രീമതി. ആനിയമ്മ തുടങ്ങിയവർ നേതൃത്വം നൽകി.
സ്വാതന്ത്ര്യ ദിന റാലി വീഡിയോ കാണാം. താഴെ ലിങ്കിൽ ക്ലിക്ക് ചെയ്യൂ
https://www.youtube.com/watch?v=c6qZIdiRJhQ
സെപ്റ്റംബർ 4.എൻ.സി.സി. ഐക്യ ഓട്ടം
സർദാർ വല്ലഭ്ഭായ് പട്ടേലിനോടുള്ള ആദരസൂചകമായി ബത്തേരിയിൽ നടത്തിയ എൻ.സി.സി. ഐക്യ ഓട്ടം.സുൽത്താൻബത്തേരി രാജ്യത്തിന്റെ ഐക്യവും അഖണ്ഡതയും സുരക്ഷയും കാത്തുസൂക്ഷിക്കുകയെന്ന സന്ദേശമുയർത്തി സെന്റ് മേരീസ് കോളേജിലെയും അസംപ്ഷൻ സ്കൂളിലെയും എൻ.സി.സി. കാഡറ്റുകൾ നടത്തിയ ഐക്യഓട്ടം എൻ. സി.സി. വയനാട് കമാൻഡിങ് ഓഫീസർ കേണൽ അവിജിത്ത് ദാസ് ഫ്ലാഗ് ഓഫ് ചെയ്തു.സെയ്ന്റ് മേരീസ് കോളേജ് പ്രിൻസിപ്പൽ ഡോ. പി.സി. റോയ്, കോളേജ് അസോസിയേറ്റ് എൻ.സി.സി. ഓഫീസർ ക്യാപ്റ്റൻ ഡോ. കെ.എസ്. പ്രമോദ്, അസംപ്ഷൻ സ്കൂൾ അസോസിയേറ്റ് എൻ.സി.സി. ഓഫീസർ അർജുൻ തോമസ്, എസ്.ഐ. സണ്ണി ജോസഫ്, ഷാജു സെബാസ്റ്റ്യൻ തുടങ്ങിയവർ നേതൃത്വം നൽകി.ഇന്ത്യയുടെ ഉരുക്കുമനുഷ്യൻ സർദാർ വല്ലഭ്ഭായ് പട്ടേലിനോള്ള ആദരസൂചകമായാണ് ഓട്ടം സംഘടിപ്പിച്ചത്. ചുങ്കംമുതൽ ജൈനക്ഷേത്രംവരെയായിരുന്നു ഓട്ടം.
സെപ്റ്റംബർ 5.അധ്യാപകദിനാചരണം നടത്തി.
അസപ്ഷൻ ഹൈസ്കൂളിൽ സംഘടിപ്പിച്ച അധ്യാപകദിന പരിപാടികളിൽ സ്കൂളിലെ എൻസിസി അംഗങ്ങളും സജീവമായി പങ്കെടുത്തു.പി.ടി.എ.യു ടെയും വിദ്യാർത്ഥികളുടെയും നേതൃത്വത്തിലായിരുന്നു ദിനാചരണം നടത്തിയത്.സ്കൂൾ മാനേജർ റവ.ഫാദർ ജോസഫ് പരുവുമ്മേൽ അധ്യാപകദിന സന്ദേശം നൽകി. പി.ടി.എ.യോടൊപ്പം സ്കൂൾ പാർലമെൻറ് അംഗങ്ങൾ,സ്കൗട്ട് ഗൈഡ്,എൻ.സി.സി,ജെ ആർ.സി, വിദ്യാർത്ഥികൾ ചേർന്ന് അധ്യാപകർക്ക് മെമെന്റോയും പൂച്ചെണ്ടുകളും നൽകി ആദരിച്ചു.പി.ടി.എ പ്രസിഡണ്ട് ശ്രീ.ബിജു ഇടയനാൽ എം.പി.ടി.എ പ്രസിഡണ്ട് ശ്രീമതി. ശാലിനി വിദ്യാർത്ഥി പ്രതിനിധിയായി എൽന എന്നിവർ അധ്യാപകരെ അനുമോദിച്ചു സംസാരിച്ചു.ഹെഡ്മാസ്റ്റർ ശ്രീ.ബിനു തോമസ് പിടിഎക്കും,വിദ്യാർത്ഥികൾക്കും നന്ദി അറിയിച്ചു.തുടർന്ന് അധ്യാപകർ വിദ്യാർഥികൾക്ക് മധുര പലഹാരങ്ങൾ വിതരണം ചെയ്തു.
ലഹരിക്ക് എതിരെ നഗര വീഥിയിലൂടെ റാലി നടത്തി.
ലഹരിക്കെതിരെ എന്റെ കയ്യൊപ്പ് പ്രവർത്തനങ്ങളിൽ എൻസിസി യൂണിറ്റും പങ്കെടുത്തു ലഹരിവിരുദ്ധ പ്രവർത്തനങ്ങളുമായി ബന്ധപ്പെട്ട് വിവിധ സ്കൂളിൽ ആസൂത്രണം ചെയ്തു നടപ്പിലാക്കിയിരുന്നു. ഇന്ന് യുവതലമുറ മദ്യത്തിനും മയക്കുമരുന്നിനും അടിമയായി കൊണ്ടിരിക്കുന്ന പ്രവണത കണ്ടുവരുന്നുണ്ട് .വിദ്യാർത്ഥികളിൽ ഇതിനെതിരെ ബോധവൽക്കരണം നടത്തേണ്ടതുണ്ട്. ഇതിന്റെ ഭാഗമായി ലഹരി വിരുദ്ധ ഒപ്പുശേഖരണ റാലി ബത്തേരി നഗരവീഥിയിലൂടെ നടത്തി.
ലഹരിക്ക് എതിരെ എന്റെ കയ്യൊപ്പ് .
വിദ്യാർത്ഥികൾക്കിടയിൽ പോലും മയക്കുമരുന്നിൻറെ സ്വാധീനം വർദ്ധിച്ചുകൊണ്ടിരിക്കുന്ന ഈ കാലഘട്ടത്തിൽ വിദ്യാർത്ഥികളെ അതിനെതിരെ കൂടുതൽ ബോധവാന്മാരാക്കുക എന്ന ലക്ഷ്യത്തോടെ സ്കൂളിലെ എൻസിസി ക്ലബ്ബിന്റെ അഭിമുഖത്തിൽ ലഹരിക്കെതിരെ ഒപ്പുശേഖരണം പരിപാടി സംഘടിപ്പിച്ചു. സ്കൂളിലെ മറ്റ് സംഘടനകളുമായി ചേർന്നായിരുന്നു പരിപാടി. പരിപാടിയിൽ വിദ്യാർത്ഥികളുടെ നല്ല പങ്കാളിത്തം ഉണ്ടായിരുന്നു.
ഗാലറി.
