അയർക്കാട്ടുവയൽ പയനിയർ യു പി സ്കൂൾ ക്ലബ്ബ് പ്രവർത്തനങ്ങൾ 2023-24

ക്ലബ്ബ് പ്രവർത്തനങ്ങൾ 2023-24

അയർക്കാട്ടുവയൽ പയനിയർ യു പി സ്കൂളിൽ പ്രവേശനോത്സവം നടത്തി. പുതുവർഷത്തെ വരവേൽക്കാൻ സ്കൂളും പരിസരവും മനോഹരമായി അണിയിച്ചൊരുക്കി. മുത്തുക്കുടകളും കൊടികളും, പൂക്കളും കൊണ്ട് സ്കൂൾ അലങ്കരിച്ചു. വർണ്ണാഭമായ അന്തരീക്ഷത്തിൽ സ്കൂളിൽ നിർമിച്ച മരം വർണ്ണപ്പറവകളെ കൊണ്ട് കുട്ടികൾ നിറച്ചു. തുടർന്ന് അധ്യാപകർ സൂര്യനെ സൃഷ്ടിച്ചു മുഖ്യാഥിതി Dr എ കെ അപ്പുക്കുട്ടൻ ബാക്ക് ടു സ്കൂൾ എന്ന സന്ദേശം നൽകി. ഗണപതിസ്തുതിയോടെയുള്ള സ്വാഗത നൃത്തത്തോടെ പരിപാടികൾ ആരംഭിച്ചു.സ്കൂൾ മാനേജർ ശ്രീ എം ആർ ശശി അധ്യക്ഷത വഹിച്ചു. ഹെഡ്മിസ്ട്രെസ് പ്രീതി  എച്ച് പിള്ള സ്വാഗതം ആശംസിച്ചു. ഡോ.എ . കെ അപ്പുക്കുട്ടൻ ഉദ്ഘാടനം നടത്തി. തൃക്കൊടിത്താനം സി പി എം ലോക്കൽ കമ്മിറ്റി സെക്രട്ടറി ശ്രീ എം കെ ഉണ്ണികൃഷ്ണൻ പoനോപകരണ വിതരണം നിർവഹിച്ചു. ഷാൻ,അശ്വിൻ എന്നിവർ പങ്കെടുത്തു. ഇതോടൊപ്പം നവീകരിച്ച കമ്പ്യൂട്ടർ ലാബിന്റെ ഉദ്ഘാടനം സ്കൂൾ മാനേജർ ശ്രീ എം ആർ ശശി നിർവഹിച്ചു. സ്കൂൾ കമ്പ്യൂട്ടർ ലാബ് നവീകരിക്കുവാൻ സഹായിച്ച  ശ്രീ നിഷാന്തിനെ ആദരിച്ചു. കരയോഗം സെക്രട്ടറി എം എസ് വിശ്വനാഥൻ, പിടിഎ പ്രസിഡണ്ട് ശ്രീ രമേശ് വാർഡ് മെമ്പർ ശ്രീമതി മറിയാമ്മ മാത്യു, ബി ആർ സി കോഡിനേറ്റർ ശ്രീവിദ്യ, അധ്യാപകരായ  രതീഷ് ജി, ഉണ്ണികൃഷ്ണൻ നായർ, ശ്രീവിദ്യ സി പാർവതി ബി, സ്വപ്ന പ്രഭ എന്നിവർ പരിപാടികൾക്ക് നേതൃത്വം നൽകി. തുടർന്ന് കുട്ടികളുടെ വിവിധ കലാപരിപാടികൾ അരങ്ങേറി. പങ്കെടുത്ത മുഴുവൻ രക്ഷകർത്താക്കൾക്കും വിദ്യാർഥികൾക്കും പായസം വിതരണം ചെയ്തു

പരിസ്ഥിതി ദിനം

അയർക്കാട്ടുവയൽ   പയനിയർ യുപി സ്കൂളിൽ ജൂൺ 5 പരിസ്ഥിതി ദിനം ആചരിച്ചു. ജൂൺ അഞ്ചാം തീയതി രാവിലെ 10 മണിക്ക് തന്നെ ബഹുമാനപ്പെട്ട ഹെഡ്മിസ്ട്രസ് പ്രീതി എച് പിള്ളയുടെ ആഭിമുഖ്യത്തിൽ പ്രത്യേക അസംബ്ലി കൂടുകയും, പരിസ്ഥിതി ദിനത്തിന്റെ പ്രാധാന്യത്തെ കുറിച്ച്  ടീച്ചർ കുട്ടികൾക്ക് പറഞ്ഞു കൊടുക്കുകയും ചെയ്തു.. അതിനുശേഷം ടീച്ചർമാരും കുട്ടികളും വൃക്ഷത്തൈകൾ കൈമാറി. വിഷ്ണുപ്രിയ ടീച്ചറിന്റെ നേതൃത്വത്തിൽ പ്രകൃതി സൗഹാർദ്ദ  പേപ്പർ ബാഗുകൾ കുട്ടികളെക്കൊണ്ട്  നിർമ്മിപ്പിച്ചു. അന്നേദിവസം ഡാൽമിയ സിമന്റിന്റെ ആഭിമുഖ്യത്തിൽ സ്കൂൾ കോമ്പൗണ്ടിൽ വൃക്ഷത്തൈകൾ വെച്ചു

വായനാദിനം

അയർക്കാട്ടുവയൽ പയനിയർ യു പി സ്കൂളിൽ 2023 ജൂൺ 19 തിങ്കളാഴ്ച വായനാദിനാചരണം സമുചിതമായി ആഘോഷിച്ചു. രാവിലെ സ്കൂൾ അസംബ്ലിയിൽ കുട്ടികൾ പ്രാർത്ഥന , വായനാദിന  ക്വിസ് എന്നിവ നടത്തി. സ്കൂൾ ഹെഡ്മിസ്ട്രസ് ശ്രീമതി പ്രീതി എച്ച്.പിള്ള കുട്ടികൾക്ക് വായനാദിന സന്ദേശം നൽകി. മലയാളം അധ്യാപികയായ ശ്രീമതി ശൈലജ.പി. പി. വായനയുടെ പ്രാധാന്യത്തെ കുറിച്ച് കുട്ടികൾക്ക് പറഞ്ഞുകൊടുത്തു. അധ്യാപകനായ ശ്രീ രതീഷ് ജി വായനാദിനാശംസകൾ അറിയിച്ചു. കുട്ടികൾ സംസ്കൃതത്തിൽ വായനദിന പോസ്റ്റർ പ്രദർശിപ്പിച്ചു. അതിനുശേഷം നടന്ന യോഗം ബാല ചിത്രീകരണത്തിനുള്ള സംസ്ഥാന അവാർഡ് ജേതാവ് മംഗളം സീനിയർ ആർട്ടിസ്റ്റ് ശ്രീ സുരേഷ് കുമാർ  ഉദ്ഘാടനം ചെയ്തു. ബാലസാഹിത്യകാരനും ചരിത്ര ജേതാവുമായ ശ്രീ എൻ കെ ബിജു കുട്ടികളുമായി സംവദിച്ചു. രണ്ടു മണിക്കൂർ നടന്ന ക്ലാസ്സിൽ വായനയുടെ പ്രാധാന്യവും വായിച്ചാൽ ഉണ്ടാകുന്ന ഗുണങ്ങൾ, ചിന്ത എന്നീ കാര്യങ്ങൾ കുട്ടികളിൽ എത്തിച്ചു. കഥകളിൽ കൂടി രസകരമായ ക്ലാസ്സ് എടുത്തു. കുട്ടികൾ താല്പര്യത്തോടെ പ്രതികരിച്ചു. തുടർപ്രവർത്തനമായി സാഹിത്യകാരനും നോവലിസ്റ്റും ആയ  ശ്രീ എ. വി. റെജി കവിത കഥ മുതലായ രചനകളുടെ പല തലങ്ങളേയും മേഖലകളേയും പറ്റി കുട്ടികൾക്ക് പരിചയപ്പെടുത്തി. അദ്ദേഹം സ്കൂൾ ലൈബ്രറിയിലേക്ക് പുസ്തകങ്ങൾ സംഭാവന നൽകി. കുട്ടികൾ അവതരിപ്പിച്ച അമ്മ എന്ന കവിതയുടെ ദൃശ്യാവിഷ്കാരം ഹൃദയസ്പർശിയായി മാറി. കൂടാതെ രചനാ മത്സരങ്ങൾ കുട്ടിക്കവിത മത്സരങ്ങൾ എന്നിവ നടത്തി.

യോഗദിനം

അയർക്കാട്ടുവയൽ പയനിയർ യു പി സ്കൂളിൽ ജൂൺ 21 ബുധനാഴ്ച യോഗദിനം ആചരിച്ചു. ആർ‍ട്ട് ഓഫ് ലിവിംഗ് യോഗ പരിശീലകൻ ശ്രീ വിനു കുട്ടികൾക്ക് യോഗ പരിശീലിപ്പിച്ചു. പി റ്റി എ പ്രസിഡൻറ് ശ്രീ രമേശ് പരിപാ‍ടികൾ ഉദ്ഘാടനം ചെയ്തു. സ്കൂൾ ഹെഡ്മിസ്ട്രസ് ശ്രീമതി പ്രീതി എച്ച്.പിള്ള കുട്ടികൾക്ക് യോഗദിന സന്ദേശം നൽകി. യോഗയുടെ വിവിധ വശങ്ങളെക്കുറിച്ച് ശ്രീ വിനു ക്ളാസെടുത്തു. യോഗ പരിശീലിക്കേണ്ടതിൻറെ ആവശ്യകതയെക്കുറിച്ച് സംസാരിച്ചു. അധ്യാപകരായ  രതീഷ് ജി, ഉണ്ണികൃഷ്ണൻ നായർ, ശ്രീവിദ്യ സി പാർവതി ബി, സ്വപ്ന പ്രഭ,വീണ എം വി എന്നിവർ പരിപാടികൾക്ക് നേതൃത്വം നൽകി.

ലഹരി വിരുദ്ധ ദിനം

അയർക്കാട്ടുവയൽ പയനിയർ യു പി സ്കൂളിൽ 2023 24 അധ്യായന വർഷം ലഹരി വിരുദ്ധ ദിനം വളരെ മനോഹരമായി തന്നെ ആചരിച്ചു. അന്നേദിവസം രാവിലെ പ്രത്യേകം സ്കൂൾ അസംബ്ലി കൂടുകയും ലഹരി വിരുദ്ധ പ്രതിജ്ഞചൊല്ലുകയും ചെയ്തു. തുടർന്ന് സ്കൂൾ അങ്കണത്തിൽ ലഹരി വിരുദ്ധ തെരുവ് നാടകം അവതരിപ്പിച്ചു. തൃക്കൊടിത്താനം ജംഗ്ഷനിൽ ലഹരി വിരുദ്ധ ദിനാചരണവുമായി ബന്ധപ്പെട്ട പ്രവർത്തനങ്ങളുടെ ഉദ്ഘാടനം തൃക്കൊടിത്താനം എസ്. ഐ. ശ്രീ. എം.പി .സാഗർ നടത്തി. ജില്ലാ പഞ്ചായത്ത്അംഗം മഞ്ജു സുജിത്ത്, ഹെഡ്മിസ്ട്രസ് ശ്രീമതി പ്രീതി എച്ച് പിളള  എന്നിവർ പ്രസംഗിച്ചു. തുടർന്ന് ജീവിതമാകണം ലഹരി എന്ന സന്ദേശവുമായി ബന്ധപ്പെട്ട് വിദ്യാർത്ഥികൾ തെരുവ് നാടകം അവതരിപ്പിച്ചു .കോട്ടമുറി, മോസ്കോ, തെങ്ങണ, ചെമ്പുംപുറം, കുരിശുമൂട് തുടങ്ങിയ സ്ഥലങ്ങളിലും കുട്ടികൾ അവരുടെ തെരുവ് നാടകം അവതരിപ്പിച്ചു .പെരുന്ന ബസ് സ്റ്റാൻഡിൽ നടന്ന സമാപന സമ്മേളനം എക്സൈസ് സി.ഐ.ശ്രീ പ്രമോദ് കുമാർ ഉദ്ഘാടനം ചെയ്തു. എക്സൈസ് ഓഫീസർ ശ്രീ സുനിൽകുമാർ ആശംസകൾ അറിയിച്ചു.

സംസ്കൃത കൗൺസിൽ രൂപീകരണം

അയർക്കാട്ടുവയൽ പയനിയർ യു. പി സ്കൂളിൽ 2023 ജൂൺ 15 വ്യാഴാഴ്ച സ്കൂൾതല സംസ്കൃത കൗൺസിൽ രൂപീകരിച്ചു. രാവിലെ 11 മണിക്ക് നടന്ന യോഗം കുമാരി. നന്ദന ഗോപാലിന്റെ ഈശ്വര പ്രാർത്ഥനയോടെ ആരംഭിച്ചു. സ്കൂൾ പ്രധാന അധ്യാപിക ശ്രീമതി പ്രീതി എച്ച്. പിള്ള അധ്യക്ഷത വഹിച്ചു. കൗൺസിലിന്റെ പ്രസിഡന്റായി പ്രധാന അധ്യാപിക ശ്രീമതി പ്രീതി എച്ച്. പിള്ളയേയും സെക്രട്ടറിയായി ശ്രീമതി ശൈലജ പി. പിയേയും തെരഞ്ഞെടുത്തു. 9 വിദ്യാർഥികളെ നിർവാഹക സമിതി അംഗങ്ങളായി തെരഞ്ഞെടുത്തു. വിദ്യാലയത്തിലെ 1മുതൽ 7 വരെയുള്ള ക്ലാസിലെ കുട്ടികളെ കൗൺസിലിൽ അംഗം ചേർത്തു. ഈ അധ്യയന വർഷം സംസ്കൃത സമാജം, സംസ്കൃത ദിനാചരണം, സംസ്കൃത സംഭാഷണ ക്ലാസ്സ്, പ്രദർശനം എന്നിവ സംഘടിപ്പിക്കുവാൻ യോഗത്തിൽ തീരുമാനിച്ചു. കുമാരി അശ്വതി സന്തോഷിന്റെ കൃതജ്ഞതയോടെ 12 മണിക്ക് യോഗം സമംഗളം പര്യവസാനിച്ചു.

ചാന്ദ്രദിനം

അയർക്കാട്ടുവയൽ പയനിയർ യു പി സ്കൂളിൽ ചാന്ദ്രദിനത്തോടനുബന്ധിച്ച് ചാന്ദ്രദിനത്തിന്റെ പ്രാധാന്യം മനസ്സിലാക്കിക്കൊണ്ട് പ്രത്യേക അസംബ്ലി നടത്തി. ചാന്ദ്രയാൻ 3 യുടെ മോഡൽ നിർമ്മിച്ച് അതിനെക്കുറിച്ചുള്ള വീഡിയോ പ്രസന്റേഷൻ നടത്തപ്പെട്ടു. സ്കൂളിൽ നടത്തിയ ചാന്ദ്രദിന ക്വിസ് മത്സരത്തിൽ ഒന്നാം സ്ഥാനം 7 A യിലെ നന്ദന ഗോപാൽ, 6A അഞ്ജന കൃഷ്ണൻ എന്നിവർ കരസ്ഥമാക്കി. രണ്ടാം സ്ഥാനം അനാമിക പി എസ് നേടി. തുടർന്ന് കുട്ടികൾ നിർമ്മിച്ച റോക്കറ്റ്, ചാന്ദ്രയാൻ 3 യുടെ മോഡൽ, സോളാർ സിസ്റ്റം, പതിപ്പുകൾ, പോസ്റ്ററുകൾ എന്നിവ പ്രദർശനം നടത്തി. ജൂലൈ 14ന് ഉച്ചയ്ക്ക് ചാന്ദ്രയാൻ 3 യുടെ നിക്ഷേപണം സ്മാർട്ട് ക്ലാസ് റൂമിൽ പ്രൊജക്ടറിൽ തൽസമയ സംപ്രേഷണം കുട്ടികളെ കാണിച്ചു. കുട്ടികൾക്ക് അത് വളരെ കോരിത്തരിക്കുന്ന നല്ലൊരു അനുഭവമായിരുന്നു. ചാന്ദ്രദിനം വളരെ ഭംഗിയായി തന്നെ സ്കൂളിൽ ആചരിച്ചു.

കണ്ടൽ ദിനം

തീരപ്രദേശത്തിന്റെ കാവൽക്കാരായ കണ്ടൽവനം, ആഗോളതാപനത്തിനെതിരെ ഭൂമിയുടെ കരുതൽ, തീരത്തിന്റെ

ജൈവകവചം , തുടങ്ങി നിരവധി സവിശേഷതകളുള്ള ജൈവവൈവിദ്ധ്യങ്ങളുടെ വിസ്മയമായ കണ്ടൽ വനങ്ങളുടെ

സംരക്ഷത്തിനായി JULY 26 കണ്ടൽദിനമായി ആചരിക്കുവാൻ തുടങ്ങിയിട്ട് 6 വർഷമേ ആകുന്നുള്ളു . കണ്ടൽ ദിനവുമായി ബന്ധപ്പെട്ട്

സ്കൂളിൽ സംഘടിപ്പിച്ച പ്രത്യേക അസംബ്ളിയിൽ കണ്ടൽച്ചെടിയുടെ പ്രാധാന്യം മനസ്സിലാക്കി കൊടുത്തു . കുമരകം , മൺറോതുരുത്ത്

എന്നിവിടങ്ങളിലെ കണ്ടൽ വനത്തിന്റെ വീഡിയോ പ്രോജക്ടറിലൂടെ കുട്ടികളെ കാണിച്ചു . തുടർന്ന് ശാസ്ത്ര ക്ലബ്ബിലെ അംഗങ്ങൾ

അയർക്കാട്ടുവയൽ ശങ്കരനാരായണസ്വാമി ക്ഷേത്രത്തിലെ കാവ് സന്ദർശിച്ചു . ക്ഷേത്രം ഭാരവാഹി ശ്രീ . രാധാകൃഷ്ണൻ കാവിലെ മരങ്ങൾ കുട്ടികൾക്ക് പരിചയപ്പെടുത്തി.

സ്വാതന്ത്ര്യ ദിനാഘോഷം

അയർക്കാട്ടുവയൽ പയനിയർ യുപി സ്കൂളിൽ 77- മത് സ്വാതന്ത്ര്യദിനാഘോഷം വളരെ ഭംഗിയായി ആഘോഷിച്ചു. കുട്ടികളുടെയും, അധ്യാപകരുടെയും, രക്ഷിതാക്കളുടെയും സാന്നിധ്യത്തിൽ സ്കൂൾ പ്രധാനാധ്യാപിക ശ്രീമതി പ്രീതി ടീച്ചർ ദേശീയ പതാക ഉയർത്തി. തുടർന്ന് കുട്ടികളും, അധ്യാപകരും സ്വാതന്ത്ര്യസമരസേനാനികളുടെ ചിത്രത്തിൽ പുഷ്പാർച്ചന നടത്തി. വാർഡ് മെമ്പർ ശ്രീമതി മറിയാമ്മ മാത്യു സ്വാതന്ത്ര്യദിന സന്ദേശം നൽകി. പ്രീതി ടീച്ചർ, സ്കൂൾ അധ്യാപകൻ രതീഷ് ജി എന്നിവർ സ്വാതന്ത്ര്യദിന സന്ദേശം നൽകി തുടർന്ന്  കുട്ടികളുടെ ദേശഭക്തി ഗാനങ്ങൾ പ്രസംഗം എന്നിവ നടത്തി . മധുരവിതരണത്തോടുകൂടി ആഘോഷങ്ങൾ

സമാപിച്ചു.

ഓണാഘോഷം

അയർക്കാട്ടുവയൽ പയനിയർ യു. പി. സ്കൂളിൽ 2023 ഓഗസ്റ്റ് 25ന് വെള്ളിയാഴ്ച അതിഗംഭീരമായി ഓണം ആഘോഷിച്ചു. സ്കൂൾ മാനേജർ ശ്രീ ശശി സാർ ദീപം തെളിയിച്ച് ഓണാഘോഷം ഉദ്ഘാടനം ചെയ്തു. ബഹുമാനപ്പെട്ട ഹെഡ്മിസ്ട്രസ് ശ്രീമതി പ്രീതി H പിള്ള കുട്ടികൾക്ക് ഓണസന്ദേശം നൽകി. ഓണാഘോഷത്തിന്റെ മുന്നോടിയായി എം പി ടി എ അംഗങ്ങളും അധ്യാപകരും ചേർന്ന് ഓണസദ്യക്കുള്ള മുന്നൊരുക്കങ്ങൾ നടത്തി. വിവിധ നിറത്തിലുള്ള പൂക്കൾ ചേർത്ത് ഇണക്കി കുട്ടികൾ ഒരുക്കിയ അത്തപ്പൂക്കളം ഏവർക്കും ദൃശ്യവിരുന്ന് ഒരുക്കി. ഇത് ഓണാഘോഷത്തിന്റെ മാറ്റ്കൂട്ടി. കുട്ടികളുടെ പാട്ടും ഡാൻസും ചെണ്ടമേളവും എല്ലാം ഓണാഘോഷത്തിന് പകിട്ടേകി. തുടർന്ന് വ്യത്യസ്തമാർന്ന ഓണക്കളികൾ കുട്ടികൾക്കായി സംഘടിപ്പിക്കുകയും ഉത്സാഹത്തോടെ കുട്ടികൾ പങ്കെടുക്കുകയും ചെയ്തു , അതോടൊപ്പം അധ്യാപകർക്കും രക്ഷകർത്താക്കളും നടത്തിയ വാശ്ശിയേറിയ മത്സരങ്ങൾ ഓണാഘോഷത്തിന്റെ ആവേശം കൂട്ടി. ശേഷം രക്ഷകർത്താക്കളുടെയും അധ്യാപകരുടെയും സഹകരണത്തോടെ കുട്ടികൾക്ക് രുചികരമായ ഓണസദ്യ നൽകി. എല്ലാ വർഷങ്ങളിലെയും പോലെ തന്നെ വളരെ മനോഹരമായ രീതിയിൽ തന്നെ ഈ വർഷവും ഓണം ആഘോഷിച്ചു.

സംസ്‌കൃതദിനം

അയർക്കാട്ടുവയൽ പയനിയർ യു. പി. സ്കൂളിൽ 2023 സെപ്റ്റംബർ 8 വെള്ളിയാഴ്ച സംസ്കൃതദിനം അതിവിപുലമായരീതിയിൽ ആഘോഷിച്ചു. മാസ്റ്റർ ആരോമൽ പ്രമോദിന്റേയും കുമാരി ഗായത്രിയുടേയും അവതരണത്തോടെ കുമാരി നന്ദന ഗോപാലിന്റെ ഈശ്വര പ്രാർഥനയോടെ പരിപാടികൾ ആരംഭിച്ചു.കുമാരി ആലിയ അന്ന ജോമോൻ സ്വാഗതം ആശംസിച്ചു.കുമാരി അശ്വതി സന്തോഷ് അധ്യക്ഷത വഹിച്ചു.ഡോക്ടർ സന്ധ്യാ മോഹൻ സംസ്കൃത ഭാഷയുടെ പ്രാധാന്യത്തെ പറ്റിയും സംസ്കൃത ഭാഷ പഠിക്കേണ്ടതിന്റെ ആവശ്യകതയെ പറ്റിയും സംസ്കൃത വ്യാകരണ പണ്ഡിതനായ പാണിനി മഹർഷിയെ പറ്റിയും ക്ലാസ് എടുത്തു. സ്കൂൾ ഹെഡ്മിസ്ട്രസ് ശ്രീമതി പ്രീതി പിള്ള പൊന്നാട അണിയിച്ച ആദരിക്കുകയും കുട്ടികൾക്ക് സംസ്കൃത ദിന സന്ദേശം നൽകുകയും ചെയ്തു. കുമാരി ഗായത്രി സംസ്കൃതദിന പ്രതിജ്ഞ ചൊല്ലുകയും എല്ലാവരും പ്രതിജ്ഞ ഏറ്റുചൊല്ലുകയും ചെയ്തു. അധ്യാപകനായ ശ്രീ രതീഷ് ജി.യും കുമാരി അഹല്യ സനീഷും സംസ്കൃത ദിന ആശംസകൾ അറിയിച്ചു. സംസ്കൃത അധ്യാപികയായ കൃതജ്ഞത അറിയിച്ചു. തുടർന്ന് കുട്ടികൾ ഗാനാലാപനം, സംസ്കൃത ചലച്ചിത്ര ഗാനാലാപനം, നൗകാ ഗാനം, സംഘഗാനം, അഭിനയ ഗീതം, സുഭാഷിതം, നൃത്തം , അക്ഷരശ്ലോകം, നാടകം എന്നിവ അവതരിപ്പിച്ചു. കുട്ടികൾ ഭക്ഷ്യവസ്തുക്കൾ, പല വ്യഞ്ജനങ്ങൾ, പച്ചക്കറികൾ തുടങ്ങിയവ കൊണ്ടുവരികയും അവയുടെ പേരുകൾ സംസ്കൃതത്തിൽ എഴുതി പ്രദർശിപ്പിക്കുകയും ചെയ്തു..

ഗാന്ധിജയന്തി

നമ്മുടെ രാഷ്ട്രപിതാവായ മഹാത്മാഗാന്ധിയുടെ ജന്മദിനമായ ഒക്ടോബർ 2 അയർക്കാട്ടുവയൽ പയനിയർ യു പി സ്കൂളിൽ സമുചിതമായി ആഘോഷിക്കുകയുണ്ടായി. ഗാന്ധിജയന്തി ദിനത്തിൽ കുട്ടികൾ രക്ഷിതാക്കളോടൊപ്പം വീടും പരിസരവും വൃത്തിയാക്കുകയും സേവനവാരത്തിന്റെ പ്രാരംഭ പ്രവർത്തനങ്ങളിൽ പങ്കെടുക്കുകയും ചെയ്തു. അന്നേ ദിവസം കുട്ടികൾ ഗാന്ധിതൊപ്പി നിർമ്മിക്കുകയും ക്ലാസിൽ പ്രദർശിപ്പിക്കുകയും ചെയ്തു. ഒക്ടോബർ 3 ചൊവ്വാഴ്ച അസംബ്ലി കൂടുകയും ഹെഡ്മിസ്ട്രസ് പ്രീതി എച്ച് പിള്ള സ്കൂൾതല സേവനവാരം ഉദ്ഘാടനം ചെയ്യുകയും ചെയ്തു. കുട്ടികളും അധ്യാപകരും ചേർന്ന് സ്കൂളും പരിസരവും വൃത്തിയാക്കി. ഗാന്ധിജിയുടെ സ്വാതന്ത്ര്യ സമര കാലത്തെ ചിത്രങ്ങളും ഗാന്ധി സൂക്തങ്ങളും ഗാന്ധി വചനങ്ങളും ചേർത്ത് പതിപ്പ് തയാറാക്കി. ക്വിസ് മത്സരം നടത്തി വിജയികൾക്ക് സമ്മാനങ്ങൾ വിതരണം ചെയ്യുകയും ചെയ്തു.

കേരളപ്പിറവി ദിനാചരണം

അയർക്കാട്ടുവയൽ പയനിയർ യു. പി സ്കൂളിൽ 2023-24 വർഷത്തിലെ കേരളപ്പിറവി ദിനാഘോഷം വളരെ ഭംഗിയായി ആഘോഷിച്ചു. കേരളപ്പിറവി ദിനാഘോഷത്തിന്റെ ഭാഗമായി പ്രത്യേക അസംബ്ലി നടത്തി.അസംബ്ലിയിൽ കുട്ടികൾ വിവിധ പരിപാടികൾ അവതരിപ്പിച്ചു. സ്കൂൾ അധ്യാപകൻ ശ്രീ രതീഷ് ജി കുട്ടികൾക്ക് സന്ദേശം നൽകി. തുടർന്ന് ക്വിസ് മത്സരം പോസ്റ്റർ രചന മത്സരം എന്നിവ നടത്തി. ഈ വർഷത്തെ കേരളപ്പിറവി ദിനം വളരെ ഗംഭീരമായി ആഘോഷിച്ചു.

സ്കൂൾ നഴ്സറി യോ‍ജന

അയർക്കാട്ടുവയൽ പയനിയർ യു പി സ്കൂളിൽ, സ്കൂൾനഴ്സറി യോജനയുടെ ഭാഗമായി പുതിയ വിത്തുകൾ നട്ടു തൈ ആക്കിമാറ്റി വിതരണം ചെയ്യുന്ന പരിപാടി ആരംഭിച്ചു. കേന്ദ്ര ഗവണ്മെന്റ് സംസ്ഥാന ഫോറസ്റ്റ് ഡിപ്പാർട്മെന്റുകൾ വഴി നടപ്പാക്കുന്ന പദ്ധതിയാണ് ഇത്. സ്കൂൾ തലത്തിൽ നടപ്പാക്കുന്ന ഈ പരിപാടിയുടെ ഉദ്ഘാടനം ഒക്ടോബർ 10 ചൊവ്വാഴ്ച സ്കൂൾ ഓഡിറ്റോറിയത്തിൽ നടന്നു.

വാർഷികാഘോഷം

അയർക്കാട്ടുവയൽ പയനിയർ യുപി സ്കൂളിൽ പുതിയ ഹൈടെക്ക് ക്ലാസ് മുറികളുടെ ഉദ്ഘാടനവും 88 മത് സ്കൂൾ വാർഷികവും ഗംഭീരമായി ആഘോഷിച്ചു. സ്കൂൾ മാനേജർ ശ്രീ എം ആർ ശശി അധ്യക്ഷത വഹിച്ച വാർഷിക സമ്മേളനം പ്രിയപ്പെട്ട രാജ്യസഭാ എം പി ശ്രീ ബിനോയ് വിശ്വം ഉദ്ഘാടനം ചെയ്തു. ഹൈടെക് ക്ലാസ് മുറിയുടെ ഉദ്ഘാടനവും അദ്ദേഹം നിർവഹിച്ചു പാചകപ്പുരയുടെ ഉദ്ഘാടനവും മുഖ്യപ്രഭാഷണവും അഡ്വക്കേറ്റ് ജോബ് മൈക്കിൾ എംഎൽഎ നിർവഹിച്ചു. ഹെഡ്മിസ്ട്രസ് പ്രീതി എച്ച് പിള്ള സ്വാഗതമാശംസിച്ചു. ജില്ലാ പഞ്ചായത്ത് മെമ്പർ ശ്രീമതി മഞ്ജു സുജിത്ത് പയനിയർ ഗ്രാമപ്രതിഭ പുരസ്കാരം വിതരണം ചെയ്തു. കലാപരിപാടികളുടെ ഉദ്ഘാടനം ഗ്രാമപഞ്ചായത്ത് പ്രസിഡന്റ് ശ്രീമതി സുവർണ്ണകുമാരി നിർവഹിച്ചു കുട്ടികൾക്കുള്ള വിവിധ ക്യാഷ് അവാർഡുകളും എൻഡോമെന്റുകളുടെയും വിതരണം ബ്ലോക്ക് പഞ്ചായത്ത് മെമ്പർ ശ്രീമതി സുനിത സുരേഷ് നിർവഹിച്ചു. വാർഡ് മെമ്പർ മറിയാമ്മ മാത്യു, പഞ്ചായത്ത് മെമ്പർ സാനില, കോ-ഓപ്പറേറ്റീവ് ബാങ്ക് പ്രസിഡന്റ് സതീഷ് ചന്ദ്രബോസ്, കരയോഗം സെക്രട്ടറി എം എസ് വിശ്വനാഥൻ, പി ടി എ പ്രസിഡന്റ് ശ്രീ രമേശ്, എന്നിവർ പരിപാടിയിൽ സംബന്ധിച്ചു. ബിൽഡിങ്ങുകൾ മനോഹരമായ രീതിയിൽ നമുക്ക് പണി തന്ന രാജഗിരി ബിൽഡേഴ്സ് ഉടമ ശ്രീ നിശാന്തിനെ സ്കൂൾ വാർഷികത്തിൽ വച്ച് ആദരിച്ചു. ഓണം പരിസരവും വളരെ മനോഹരമായ രീതിയിൽഅലങ്കരിച്ചിരുന്നു.വർണ്ണാഭമായ രീതിയിൽ കുട്ടികളുടെ കലാപരിപാടികൾ വാർഷികത്തിന് മാറ്റുകൂട്ടി.

സയൻസ് ഫെസ്റ്റ്

അയർക്കാട്ടുവയൽ പയനിയർ യു.പി സ്കൂളിൽ 5, 6, 7 ക്ലാസുകളിലെ കുട്ടികൾക്കായി സയൻസ് ഫെസ്റ്റ് സംഘടിപ്പിച്ചു. സയൻസ് പ്രൊജക്റ്റ് ക്വിസ്, സയൻസ് കിറ്റ് പ്രദർശിനി, ഫുഡ് ഫെസ്റ്റ് എന്നിവ നടത്തുകയുണ്ടായി. ക്ലാസ് തലത്തിൽ വിജയം കൈവരിച്ച കുട്ടികൾ സ്കൂൾതല മത്സരത്തിൽ പങ്കെടുത്തു - കുമാരി നന്ദന ഗോപാൽ പ്രോജക്ട് വിഭാഗത്തിലും കുമാരി അശ്വതി സന്തോഷ് ക്വിസ് വിഭാഗത്തിലും ബി ആർ സി തലത്തിലേക്ക് തിരഞ്ഞെടുക്കപ്പെട്ടു .

ജനുവരി 20-ാം തീയതി ക്ലാസ്തല സയൻസ് ഫെസ്റ്റും ജനുവരി 30-ാം തീയതി സ്കൂൾ തല സയൻസ് ഫെസ്റ്റും നടത്തുകയുണ്ടായി. സ്കൂൾ തല സയൻസ് ഫെസ്റ്റ് ജനുവരി 30 ന് രാവിലെ 11.30 ന് ശ്രീമതി പ്രീതി എച്ച് പിള്ളയുടെ അധ്യക്ഷതയിൽ ചേർന്നു . ഈ യോഗത്തിൽ ശ്രീ രതീഷ് ജി സ്വാഗതം പറഞ്ഞു. ശാസ്ത്ര രംഗം സബ്ജില്ലാ കോ - ഓർഡിനേറ്റർ ശ്രീ സി എസ് രമേശ് റോക്കറ്റ് ബലൂൺ വിക്ഷേപിച്ച് ഉദ്ഘാടനം ചെയ്യുകയും മുഖ്യ പ്രഭാഷണം നടത്തുകയും ചെയ്തു . തുടർന്ന് ബി ആർ സി കോ ഓർഡിനേറ്റർ ശ്രീമതി ജയപ്രഭ ആശംസകൾ അറിയിച്ചു.

പ്രഥമ ശുശ്രൂഷയുടെ പ്രാധാന്യം കുട്ടികളിൽ എത്തുവാൻ കുമാരി ആലിയ അന്ന ജോമോൻ്റെ നേതൃത്വത്തിൽ ഒരു ശാസ്ത്ര സ്കിറ്റ് അവതരിപ്പിച്ചു. ആറാം ക്ലാസിലെ കുട്ടികളുടെ നേതൃത്വത്തിൽ മില്ലറ്റുകൾ ഉപയോഗിച്ചുള്ള ഭക്ഷ്യമേളയും സംഘടിപ്പിച്ചു.

Wall of love corner

ബഹു: ജില്ലാ കളക്ടറുടെ നിർദ്ദേശാനുസരണം ജില്ല മുഴുവൻ നടന്നു വരുന്ന പ്രോഗ്രാമാണ് Wall of love. മറ്റുള്ളവരോടുള്ള കരുതൽ ആണ് ഇത്. നമുക്ക് അത്ര അത്യാവശ്യമില്ലാത്തതും എന്നാൽ മറ്റുള്ളവർക്ക് ഉപകാരപ്പെടുന്നതുമായ എന്തു സാധനവും wall of love കോർണറിൽ വയ്ക്കാം. ആവശ്യക്കാർക്ക് അതിൽ നിന്നും എടുക്കാം. ഇത് ഒരു ഹ്യുമാനിറ്റേറിയൻ പ്രവർത്തനമാണ്.

അയർക്കാട്ടുവയൽ പയനിയർ യു.പി സ്കൂളിൽ wall of love Corner ആരംഭിക്കുന്നതിന് മുന്നോടിയായി സ്‌റ്റാഫ് മീറ്റിംഗ് കൂടുകയും ഇതിൻ്റെ പ്രാധാന്യത്തെക്കുറിച്ച് പ്രഥമാധ്യാപിക ബോധവത്ക്കരിക്കുകയും ചെയ്തു. ഇതിൻ്റെ പ്രവർത്തനങ്ങളുടെ ഏകോപനത്തിനായി സ്മൃതിമോൾ ഡി. പിള്ളയെ ചാർജ് ഏൽപ്പിക്കുകയും Wall of love കോർണറിൽ വയ്ക്കാൻ ആവശ്യമായ സാധനങ്ങൾ കൊണ്ടുവരാൻ അധ്യാപകരോട് ആവശ്യപ്പെടുകയും ചെയ്തു.

ഫെബ്രുവരി 1 വ്യാഴാഴ്ച അതിനായി ഒരു അലമാര തയാറാക്കുകയും ചിത്രങ്ങളും റിബണും ലൈറ്റും കൊണ്ട് അലങ്കരിക്കുകയും ചെയ്തു. അധ്യാപകർ കൊണ്ടുവന്ന സാധനങ്ങൾ അതിൽ arrange ചെയ്ത് വയ്ക്കുകയും ആകർഷകമാക്കുകയും ചെയ്തു. സ്കൂളിലെ മുഴുവൻ കുട്ടികളെയും wall of love കോർണർ കാണിക്കുകയും അതിൻ്റ പ്രാധാന്യത്തെക്കുറിച്ച് ഉണ്ണികൃഷ്ണൻ നായർ റ്റി.എസ് കുട്ടികൾക്ക് മനസിലാക്കിക്കൊടുക്കുകയും ചെയ്തു.ഫെബ്രുവരി 2 വെള്ളിയാഴ്ച രാവിലെ പ്രത്യേക അസംബ്ലി കൂടുകയും Wall of love corner തുടങ്ങാൻ സഹായിച്ച മുഴുവൻ അധ്യാപകരെയും ഹെഡ്മിസ്ട്രസ്സ് പ്രീതി എച്ച് പിള്ള അഭിനന്ദിക്കുകയും ചെയ്തു. കുട്ടികളിൽ സാധിക്കുന്നവർ ഇതിലേക്ക് സാധനങ്ങൾ കൊണ്ടുവരണമെന്നും കോർണർ കൂടുതൽ വിപുലമാക്കണമെന്നും ഹെഡ്മിസ്ട്രസ് പറഞ്ഞു.