അന്നൂർ യു പി സ്കൂൾ ‍‍/അക്ഷരവൃക്ഷം/കോവിഡ് 19 മഹാമാരിയും പ്രതിരോധ പ്രവർത്തനങ്ങളും

കോവിഡ് 19 മഹാമാരിയും പ്രതിരോധ പ്രവർത്തനങ്ങളും സാർസ് വൈറസുമായി അടുത്ത ബന്ധമുള്ള ഒരു വൈറസ് മൂലം ഉണ്ടാക്കുന്ന ഒരു പകർച്ച വ്യാധിയാണ് കൊറോണ വൈറസ് (covid - 19 ). 2019-20 ലെ കൊറോണ രോഗം പൊട്ടിപ്പുറപ്പെടാൻ കാരണം ഈ സാർസ് കോവ് - 2 വൈറസ് ആണ്. ചൈനയിലെ വൂ ഹാനിലാണ് രോഗം ആദ്യമായി തിരിച്ചറിഞ്ഞത്. പിന്നിട് ഈ പകർച്ചവ്യാധി ലോകം മുഴുവൻ പടർന്നു. രോഗം ബാധിച്ച വ്യക്തികൾ ചുമയ്ക്കമ്പോഴോ തുമ്മുമ്പോഴോ ഉണ്ടാകുന്ന ചെറിയ തുള്ളികൾ വഴിയാണ് ഇത് പ്രാഥമികമായി ആളുകൾക്കിടയിൽ പടർന്നു കൊണ്ടിരിക്കുന്നത് .രോഗാണു സമ്പർക്ക മുണ്ടാകുന്ന സമയം മുതൽ രോഗലക്ഷണങ്ങൾ ആരംഭിക്കുന്ന സമയം സാധാരണയായി 2 മുതൽ 14 ദിവസം വരെ ആണ്. വ്യക്തി ശുചിത്വം പാലിക്കുക , രോഗബാധിതരിൽ നിന്ന് അകലം പാലിക്കുക , ഹസ്തദാനം ഒഴിവാക്കുക , കൈകൾ ഇടയ്ക്കിടെ സോപ്പു പയോഗിച്ച് 20 സെക്കന്റോളം നേരം നന്നായി കഴുക എന്നിവ രോഗ പകർച്ച തടയാൻ ശുപാർശ ചെയ്യുന്നു. ചുമയ്ക്കുമ്പോൾ മൂക്കും വായയും തൂവാല കൊണ്ട് മൂടുന്നതിലൂടെ ഈ രോഗ വ്യാപനം കുറേയേറെ നമുക്ക് തടയാൻ സാധിക്കും. രോഗബാധിതരിൽ പനി ,ചുമ ,ശ്വാസതടസ്സം , തൊണ്ട വേദന എന്നീ ലക്ഷണങ്ങളുണ്ടാവാം. ഇത് ന്യുമോണിയയ്ക്കും ബഹു- അവയവ പരാജയത്തിനും കാരണമാകാം. ഈ വൈറസിന് വാക്സിനോ നിർദ്ദിഷ്ട ആന്റി വൈറൽ ചികാത്സയോ ഇല്ല . 1% മുതൽ 4% വരെ മരണ നിരക്ക് കണക്കാക്കുന്നു. രോഗബാധിതരുടെ പ്രായമനുസരിച്ച് മരണനിരക്ക് 15% വരെയാകാം. രോഗലക്ഷണങ്ങളുടെ അടിസ്ഥാനത്തിലുള്ള ചികിത്സ ,പരിചരണം ,പരീക്ഷാ ത്മക നടപടികൾ എന്നിവ ഉൾപ്പെടുന്ന പ്രതിരോധ പ്രവർത്തന നടപടികളാണ് ചെയ്യാനാവുന്നത്. ആഗോള ആരോഗ്യ സംഘടനകൾ അണുബാധയ്ക്കുള്ള സാധ്യത കുറയ്ക്കാനുള്ള പ്രതിരോധ നടപടികൾ പ്രസിദ്ധീകരിച്ചു. മറ്റ് കൊറോണ വൈറസുകൾക്കായി പ്രസിദ്ധീകരിച്ച ശുപാർശകൾക്ക് സമാനമാണ് ഈ ശുപാർശകൾ: 1. വീട്ടിൽത്തന്നെ താമസിക്കുക. 2. യാത്രകളും പൊതു പ്രവർത്തനങ്ങളും ഒഴിവാക്കുക. 3. പൊതു പരിപാടികൾ മാറ്റിവയ്ക്കുക. 4. സോപ്പും വെള്ളവും ഉപയോഗിച്ച് കൈ കഴുകുക. 5. കഴുകാത്ത കൈകളാൽ കണ്ണിലോ മൂക്കിലോ വായയിലോ തൊടരുത്. 6. നല്ല ശ്വസന ശുചിത്വം പാലിക്കുക. പുതിയ വൈറസ് ആയതിനാൽത്തന്നെ ഇവയെ പ്രതിരോധിക്കാനുള്ള ശേഷി ശരീരം ആർജിച്ചെടുക്കേണ്ടതുണ്ട് . അതിനു സഹായിക്കുന്ന വാക്സിനുകളും ചില പ്രത്യേക മരുന്നുകളും പരീക്ഷണഘട്ടത്തിലാണ്. ക്ലിനിക്കൽ ട്രയലുകളിലൂടെ മാത്രമേ അവയെപ്പറ്റിയുള്ള അന്തിമ ഫലം പുറത്തു വിടാനാകൂ. വാക്സിനുകൾക്കും മരുന്നുകൾക്കും ആയുള്ള ഗവേഷണം ഡബ്ല്യു എച്ച് ഒ തുടരുകയാണ്. എല്ലാ വ്യക്തി ശുചിത്വ മാർഗങ്ങൾ പാലിക്കുക മാത്രമാണ് നിലവിൽ രോഗത്തെ പ്രതിരോധിക്കാനുള്ള ഫലപ്രദമായ ഏക വഴി. ഹരിശങ്കർ.ആർ 7 ബി അന്നൂർ യു പി സ്കൂൾ പയ്യന്നൂർ ഉപജില്ല കണ്ണൂർ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Mtdinesan തീയ്യതി: 20/ 06/ 2020 >> രചനാവിഭാഗം - ലേഖനം