ഗവൺമെന്റ് മോഡൽ എച്ച്.എസ്.എസ്. ഫോർ ബോയ്സ് ആറ്റിങ്ങൽ/എന്റെ ഗ്രാമം
തിരുവനന്തപുരത്തിനും കൊല്ലത്തിനും മദ്ധ്യേ സ്ഥിതി ചെയ്യുന്ന ഒരു പട്ടണമാണ് ആറ്റിങ്ങല്‍.തിരുവനന്തപുരത്ത് നിന്ന് 32 കി.മീ.. വടക്കും കൊല്ലത്ത് നിന്ന് 40 കി.മീ.തെക്കും ആയിട്ട് NH 47 കടന്ന് പോകുന്ന ഭാഗത്താണ് ഈ സ്ഥലം. വാമനപുരം നദിക്കും മാമം ആറിനും ഇടയില്‍ ആണ് ഈ സുന്ദരമായ പ്രദേശം സ്ഥിതി ചെയ്യുന്നത്. ആറുകള്‍ക്ക് മദ്ധ്യേസ്ഥിതി ചെയ്യുന്നത് കൊണ്ടാവാം 'ആറ്റിങ്ങല്‍' എന്ന നാമഥേയം ഈ സ്ഥലത്തിന് ലഭിച്ചത്. ആറ്റിങ്ങലിന് പണ്ട് ചിറ്റാറ്റിന്‍കര എന്ന പേര് കൂടി ഉണ്ടായിരുന്നു.ചുറ്റും ആറുള്ള കര എന്നര്‍ത്ഥം. അത് ചുരുങ്ങിയാണ് ആറ്റിങ്ങല്‍ ആയി മാറിയത്. ഏതായാലും നദികളുടെ സൗന്ദര്യം ഇവിടുത്തെ കരകളും കവര്‍ന്ന് എടുത്തിട്ടുണ്ട്. തിരുവനന്തപുരം ജില്ലയിലെ നാല് മുനിസിപ്പാലിറ്റികളില്‍ ഒന്നാണ് ആറ്റിങ്ങല്‍.
- ചരിത്രപരമായി ചില പ്രാധാന്യങ്ങള്‍ ഈ പ്രദേശത്തിനുണ്ട് . നൂറ്റാണ്ടുകള്‍ക്ക് മുമ്പ് തന്നെ അനീതിക്കെതിരെ പടപൊരുതിയ പാരമ്പര്യമാണ് ഈ ജനതയ്ക്കുള്ളത്. ബ്രിട്ടീ,ഷുകാര്‍ക്ക് എതിരെ ആദ്യമായി കലാപക്കൊടി ഉയര്‍ത്തിയത് ഈ നാട്ടുകാരായിരുന്നു. എ.ഡി.1721 -ലെ ആറ്റിങ്ങല്‍ കലാപം ചരിത്ര പ്രധാനമാണ്. ആംഗലശക്തിക്കെതിരെ നടന്ന കേരളത്തിലെ ആദ്യത്തെ ജനകീയ മുന്നേറ്റമാണ് ഈ സംഭവം. 1697 -ല്‍ ത്തന്നെ അവര്‍ വൈദേശിക ശക്തിയെ ചോദ്യം ചെയ്തു തുടങ്ങിയെങ്കിലും അത് വിജയത്തില്‍ കലാശിച്ചത് 1721-ലെ ആറ്റിങ്ങല്‍ കലാപത്തിലാണ്.രാജാക്കന്മാരുടെ ചരിത്രമല്ല പ്രത്യുത ജനതയുടെ ചരിത്രമാണിവിടെ മുഴങ്ങുന്നത്. ഇതിന് പുറമേ മറ്റൊരു ചരിത്രപ്രാധാന്യവും ഈ പ്രദേശത്തെപ്പറ്റി പറയുന്നുണ്ട്. കേരളത്തിന്റെ സംഗീത ചക്രവര്‍ത്തി ഗര്‍ഭശ്രീമാന്‍ സ്വാതിതിരുനാള്‍ ജന്മം കൊണ്ടത് ആറ്റിങ്ങല്‍ കോയിക്കല്‍ കൊട്ടാരത്തിലാണത്രേ. / / [[Category:à
��്രാദേശിക പത്രം]]